ଧର୍ମଗଡ଼ ତା ୪/୩(ହେମନ୍ତ କୁମାର ମାଝୀ)ଓଡ଼ିଶା ଉଚ୍ଚନ୍ୟାୟାଳୟର ମାନ୍ୟବର ବିଚାରପତି ଶ୍ରୀ ଆନନ୍ଦ ଚନ୍ଦ୍ର ବେହେରା ଙ୍କ ପରିଦର୍ଶନ ଓ ସସ୍ତ୍ରୀକ ଧର୍ମଗଡ଼ ଭ୍ରମଣରେ ଆସିଥିବା ଅବସରରେ ସ୍ଥାନୀୟ ଓକିଲ ସଂଘ ତାଙ୍କୁ ଭବ୍ୟ ସ୍ୱାଗତ ଓ ସମ୍ବର୍ଦ୍ଧନା ଜ୍ଞାପନ କରିଛି l ମାନ୍ୟବର ବିଚାରପତି ଦମ୍ପତ୍ତି ପ୍ରାତଃ କାଳରେ ଧର୍ମଗଡ଼ ସ୍ଥିତ ଏସିଆ ପ୍ରସିଦ୍ଧ ପାରଦେଶ୍ୱର ମନ୍ଦିର ଯାଇ ମହାଦେବ ଦର୍ଶନ କରିବା ସହ ବିଶେଷ ପୂଜାର୍ଚ୍ଚନା କରାଇଥିଲେ l ପରବର୍ତ୍ତୀ ସମୟରେ ଧର୍ମଗଡ଼ ଓକିଲ ସଂଘ ର ନିମନ୍ତ୍ରଣ ରକ୍ଷାକରି ଧର୍ମଗଡ଼ କୋର୍ଟ ପରିସର ମଧୁବାବୁ ଭବନରେ ଆୟୋଜିତ ସମ୍ବର୍ଦ୍ଧନା ସଭାରେ ଯୋଗଦେଇଥିଲେ l ଓକିଲ ସଂଘ ତରଫରୁ ଉଭୟଙ୍କୁ ଭବ୍ୟ ସ୍ୱାଗତ କରିବା ସହ ବରିଷ୍ଠ ସଦସ୍ୟ ମାନଙ୍କ ଦ୍ୱାରା ଉପଢୌକନ ଓ ସ୍ମୁତି ଉପହାର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା l

ବିଚାରପତି ଶ୍ରୀ ବେହେରା ପୂର୍ବରୁ ଅତିରିକ୍ତ ଜିଲ୍ଲା ଦୌରା ଜଜ ଭାବେ ଧର୍ମଗଡ଼ ରେ ନ୍ୟାୟିକ ସେବା ପ୍ରଦାନ ସମୟର ଅନୁଭୂତି ଏକ ଭାବବିହ୍ଵଳ ବକ୍ତ୍ୟବ୍ୟ ମାଧ୍ୟମରେ ପରିପ୍ରକାଶ କରି ସ୍ଥାନୀୟ ଓକିଲ ସଂଘର ଭାଇଚାରା ଓ ଆତିଥ୍ୟକୁ ଭୁୟସୀ ପ୍ରଶଂସା କରିଥିଲେ l ଶ୍ରୀମତୀ ବେହେରା ମଧ୍ୟ ଅନୁରୂପ ଭାବେ ସଂଘ କୁ ପ୍ରଶଂସା କରିବା ସହ ସମ୍ପୃକ୍ତ ଅନେକ ଘଟଣାବଳୀର ଉପସ୍ଥାପନା କରି ଅଞ୍ଚଳ ପ୍ରତି ରହିଥିବା ଅନୁରକ୍ତି କୁ ପ୍ରକାଶ କରିଥିଲେ l ସରକାରୀ ଓକିଲ ରାଜେନ୍ଦ୍ର ମୁନି ସଭା ପରିଚାଳନା କରିଥିବା ବେଳେ ବରିଷ୍ଠ ସଦସ୍ୟ ଶ୍ରୀ ଚିନ୍ତାମଣି ପାତ୍ର ସ୍ୱାଗତ ଭାଷଣ ପ୍ରଦାନ କରିଥିଲେ ଓ ଶ୍ରୀ ତୁଷାର ରଞ୍ଜନ ପଟ୍ଟଯୋଷୀ ଧନ୍ୟବାଦ ଅର୍ପଣ କରିଥିଲେ l ସହକାରୀ ଦୌରାଜଜ ଶ୍ରୀ ବିଶ୍ୱବିସୃତ କର ଓ ଉପଖଣ୍ଡ ବିଚାର ବିଭାଗୀୟ ମାଜିଷ୍ଟେଟ ଶ୍ରୀମତୀ ପ୍ରଜ୍ଞା ପାରମିତା ସ୍ୱାଇଁ ଉପସ୍ଥିତ ଥିଲେl

ଓକିଲ ସଂଘ ର ସଭାପତି ଶ୍ରୀ ପ୍ରସନ୍ନ କୁମାର ଅଗସ୍ତି,ସମ୍ପାଦକ ବିଶ୍ୱନାଥ ମୁଣ୍ଡ, ଉପସଭାପତି ବିନୋଦ ନାୟକ, ସହ ସମ୍ପାଦକ ଜୟଦ୍ରଥ ମହାନନ୍ଦ ଓ ଅନ୍ୟାନ୍ୟ ପଦାଧିକାରୀ ମାନେ କାର୍ଯ୍ୟକ୍ରମ ଆୟୋଜନ କରିଥିବାବେଳେ ବରିଷ୍ଠ ସଦସ୍ୟ ଶ୍ରୀ ସୁନୀଲ କୁମାର ପାଢ଼ୀ, ଲଳିତ କିଶୋର ପଣ୍ଡା,ଭବାନୀ ଚରଣ ଦାସ, ସନ୍ତୋଷ ପାତ୍ର, ଆଶୁତୋଷ ପାତ୍ର, ସନ୍ତୋଷ କୁମାର ମେହେର, ଲିଙ୍ଗରାଜ ଵେହେରା, ଧୀରେନ୍ଦ୍ର ନାଥ ପାତ୍ର,ଦେଵି ପ୍ରସାଦ ଵେହେରା,ଥଵିର ପ୍ରସାଦ ସାହୂ, ସୁମନ୍ତ କୁମାର ପଣ୍ଡା, ମିହିର ରଞ୍ଜନ ପାଟଯୋଷୀ, କୃପାସିନ୍ଧୁ ପଣ୍ଡା, କମଳିନୀ ରଥ, ରଶ୍ମିତା ମହାନନ୍ଦ, କଲ୍ୟାଣୀ ନାଏକ, ପୂର୍ଣ୍ଣ ଚନ୍ଦ୍ର ନାଗ,ଭଵାନୀ ଶଙ୍କର ପଣ୍ଡା ,ହରିଷ ଚନ୍ଦ୍ର ଵାଗ ଯୋଗ ଦେଇ ଥିଲେ ।