ହରଭଙ୍ଗା ୦୪/୦୩ (ଚିତ୍ତ ରଞ୍ଜନ ସିଂ )ବୌଦ୍ଧ ଜ଼ିଲ୍ଲା ହରଭଙ୍ଗା ବ୍ଲକ ର ଅତି ଜଣା ଶୁଣା ଦୁର୍ଗମ ଅଂଚଳ ହେଉଛି ତଳଗାଁ ପଂଚାୟତ ର ରାଣୀସାହି, ବୁରୁଡି, ଗୋତିବିଡା, ନେଡିଗୁଡା।ଉକ୍ତ ଅଂଚଳ କୁ ଆଜି ଅପରାହ୍ନ 5 ଘଣ୍ଟା ସମୟରେ ନୂତନ ଭାବେ ଜ଼ିଲ୍ଲା ରେ ଯୋଗ ଦାନ କରିଥିବା ଜ଼ିଲ୍ଲା ପାଳ ଜେ.ସୋନାଲ ଗସ୍ତ କରି ନିରୀହ ବଣ ପାହାଡ଼ରେ ବାସ କରୁଥିବା ଆଦିବାସୀ ବାସି ମାନଙ୍କୁ ଭେଟି ବିଭିନ୍ନ ସମସ୍ୟା ବାବଦରେ ଆଲୋଚନା କରି ଥିଲେ। ଅଂଚଳ ରେ ଗମନା ଗମନ ପାଇଁ ସେମିତି ଭଲ ରାସ୍ତା ଟିଏ ନାହିଁ, ପୁଣି ଖରା ଚାରି ମାସ ଯାହା କିଛି ଗ୍ରାମକୁ ଗାଡି ମଟର ଯିବା ଆସିବା ହୋଇ ଥାଏ କିନ୍ତୁ ବର୍ଷା ଦିନରେ କୌଣସି ପରିସ୍ଥିତି ରେ ଜରୁରୀ କାଳୀନ ଗାଡି ଯିବା ସମ୍ଭବ ପର ହୋଇ ନ ଥାଏ ଯାହା ଫଳରେ କେବେ କାହାର ଯଦି ଦେହ ସମୂର୍ଣ ଅସୁସ୍ଥ ହୁଏ 8 କିଲୋମିଟର ବାଟ ଖଟିଆରେ ଆଣିବାକୁ ପଡି ଥାଏ ଡମକୁଚ ପର୍ଯ୍ୟନ୍ତ l ପୁଣି ଅଂଚଳ ରେ ଅଧିକାଂଶ ଲୋକ ଝଡା ଫୁଙ୍କା ରେ ଭରସା କରିଥାନ୍ତି l

ପୁଣି ପାଣି ସମସ୍ୟା ମୁଖ୍ୟ ବୋଲି ଜ଼ିଲ୍ଲା ପାଳଙ୍କୁ ଗୁହାରି କରିଥିଲେ ଏବଂ ଜ଼ିଲ୍ଲା ପାଳ ତୁରନ୍ତ ଅଂଚଳ ର ସମସ୍ୟା ଦୂର ହେବ ବୋଲି କହିଥିଲେ l ହେଲେ ଜ଼ିଲ୍ଲା ପାଳଙ୍କ ବୌଦ୍ଧ ରେ ଦାଇତ୍ୱ ଗ୍ରହଣ ର କିଛି ଦିନ ଭିତରେ ହରଭଙ୍ଗା ବ୍ଲକ ର ସମସ୍ତ ବଣ ପାହାଡ଼ ଦୁର୍ଗମ ଅଂଚଳ କୁ ଗସ୍ତ ସାରି ଦେଲେଣି l ଏହି ଗସ୍ତ ସମୟରେ ବିଡ଼ିଓ ସ୍ୱସ୍ମିତା ନାୟକ ଏବଂ ଯନ୍ତ୍ରୀ ଉପସ୍ଥିତ ଥିଲେ l ହେଲେ ସବୁଠାରୁ ଆଶ୍ଚର୍ଯ୍ୟ ର କଥା ହେଲା ଏହି ବ୍ଲକ ରେ ଯେଉଁ ଯନ୍ତ୍ରୀ ମାନେ ଦୀର୍ଘ 2ବର୍ଷ ତିନି ବର୍ଷ ହେଲା ଯୋଗ ଦାନ କରିଛନ୍ତି ସେମାନେ କେବେ ଏହି ଦୁର୍ଗମ ଅଂଚଳ ଗସ୍ତ କରିନାହାନ୍ତି l ଏଣୁ ଜ଼ିଲ୍ଲା ପାଳ ସକାଳ ସନ୍ଦ୍ୟା ରାତି ଅଧରେ ଲୋକ ମାନଙ୍କ ପାଖରେ ପଂହଁଚି ପାରିଥିବାରୁ ଅଞ୍ଚଳ ବାସୀ ଭୁୟସୀ ପ୍ରଶଂସା କରୁଛନ୍ତି l