Aei Odisha
ବୌଦ୍ଧ -( ଚିତ୍ତରଞ୍ଜନ ସିଂହ ) ଦୁର୍ଘଟଣା ଗ୍ରସ୍ତ ଯୁବକ ଙ୍କୁ ନିଜ ଗାଡ଼ିରେ ବସାଇ ନେଇ ଡାକ୍ତରଖାନା ରେ ଯୋଗାଇ ଦେଲେ ଚିକିତ୍ସା ସେବା । ସୂଚନା ମୁତାବକ ଆଜି କଣ୍ଟାମାଳ SBI ATM ସମ୍ମନାରେ ଭାରସାମ୍ୟ ହରାଇ ଜଣେ ବାଇକ ଅରୋହି ଦୁର୍ଘଟଣା ର ଶିକାର ହୋଇଥିଲେ ।
ଠିକି ଏହି ସମୟରେ ସେହି ବାଟ ଦେଇ କଣ୍ଟାମାଳ ବିଧାୟକ ମହୀଧର ରଣା କୌଣସି ଏକ କାମ ରେ ମାନମୁଣ୍ଡା ଅଭିମୁଖେ ଯାଉଥିଲେ । ହଠାତ ତାଙ୍କ ନଜର ଏହି ବାଇକ ଦୁର୍ଘଟଣା ଗ୍ରସ୍ତ ଯୁବକ ଙ୍କ ଉପରେ ପଡିଥିଲା ।
ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବାର ଦେଖି ବିଧାୟକ ତାଙ୍କ ନିଜ ଗାଡ଼ିରେ ବସାଇ ତାଙ୍କୁ ଡାକ୍ତରଖାନାରେ ପହଞ୍ଚାଇ ଥିଲେ । ପରେ ବାଇକି ଅରୋହୀଙ୍କ ଚିକିତ୍ସା ର ସମସ୍ତ ସୁବିଧା ଡାକ୍ତର ଙ୍କୁ ମଧ୍ୟ ପରାମର୍ଶ କରିଥିଲେ । ତେବେ ବାଇକ ଅରୋହି ଜଣକ ବରଗାଁ ପଂଚାୟତ ଜାନିମୁଡ଼ା ଗ୍ରାମର ପୁରନ୍ଦର ପୋଡ଼ ବୋଲି ଜଣା ପଡ଼ିଛି । ସେ ଏବେ ସୁସ୍ଥ ଅଛନ୍ତି । ଅନ୍ୟପଟେ ଉଚିତ ସମୟରେ ବିଧାୟକ ତାଙ୍କୁ ଡାକ୍ତରଖାନାରେ ପହଞ୍ଚାଇ ଥିବାରୁ ଯୁବକ ଜଣକ ବିଧାୟକ ଙ୍କୁ ଧନ୍ୟବାଦ ଦେଇଛନ୍ତି ।
