ସୁବର୍ଣ୍ଣପୁର : (ଅଜିତ କୁମାର ପୁଜାହାରୀ)ଆଜି ସୁବର୍ଣ୍ଣପୁର ଜିଲ୍ଲାର ସଦର ମହକୁମାଠାରେ ଭାରତ ସ୍ଵାଭିମାନ ପକ୍ଷରୁ ଜିଲ୍ଲା ଯୋଗ ଶିକ୍ଷକ ମାନଂକୁ ସମ୍ବର୍ଦ୍ଧିତ କରାଯାଇଛି l ପତଞ୍ଜଳୀ ଭାରତ ସ୍ଵାଭିମାନ ହରିଦ୍ଵାର ତରଫରୁ ଯୋଗ ପ୍ରଶିକ୍ଷଣ ଶିବିର ରେ ଆଭାସି ମାଧ୍ୟମ ରେ ଯୋଗ ପ୍ରଶିକ୍ଷଣ ନେଇଥିବା ୧୨ ଜଣ ଯୋଗ ଶିକ୍ଷକ ଙ୍କୁ ଦୀକ୍ଷାନ୍ତ କରାଯାଇ ଯୋଗ ପ୍ରାଣାୟାମ,  ଆସନ ଓ ଯଜ୍ଞ କୁ ପ୍ରତି ଗାଁରେ ପହଞ୍ଚାଇବାକୁ ଏହି କାର୍ଯ୍ୟକ୍ରମ ରେ ଆଲୋଚନା କରା ଯାଇଥିଲା l

ଏଥିରେ ଭାରତୀୟ କିଶାନ ସଙ୍ଘ ସଭାପତି ବିରଞ୍ଚି ମେହେର ମୂଖ୍ୟ ଅତିଥି ଭାବେ ଯୋଗ ଦେଇଥିଲେ l ଜିଲ୍ଲା ବେଦ ପ୍ରଚାର ସମିତି ସଂଯୋଜକ ପଙ୍କଜ ମେହେର ଓ ମହାଜନ ଆର୍ଯ୍ୟ ଙ୍କ ଦ୍ବାରା ବୈଦିକ ବିଶ୍ଵଶାନ୍ତି ମହାଯଜ୍ଞ, ଭଜନ କାର୍ଯକ୍ରମ ଅନୁଷ୍ଟିତ ହୋଇଥିଲା l ଜିଲ୍ଲା ଭାରତ ସ୍ୱାଭିମାନ ପ୍ରଭାରୀ ମନୋଜ ପଣ୍ଡା, ଯୋଗ ଶିକ୍ଷକ ଗୁଣନିଧି ଥନାପତି, ଦୀପ୍ତି ରଂଜନ କର୍ଣ୍ଣ, ଗୋବର୍ଦ୍ଧନ ଦେହୁରୀ, ରାମ ଭକ୍ତ ସାହୁ ଓ ଅନ୍ୟାନ୍ୟ ଯୋଗ ଶିକ୍ଷକ ଏହି କାର୍ଯ୍ୟକ୍ରମ ରେ ଯୋଗ ଦେଇଥିଲେ ।