ହରଭଙ୍ଗା (ଚିତ୍ତରଞ୍ଜନ ସିଂ)ବୌଦ୍ଧ ନିର୍ବାଚନ ମଣ୍ଡଳୀ ପାଇଁ ତିନି ପ୍ରମୁଖ ଦଳ ର ପ୍ରାର୍ଥୀ ଘୋଷଣା ହୋଇସାରିବା ପରେ ଚତୁର୍ଥ ଦଳ ଭାବେ ଆମ ଆଦମୀ ପାର୍ଟି ମଧ୍ୟ ପ୍ରାର୍ଥୀ ଘୋଷଣା କରିଛି। ପ୍ରାର୍ଥୀ ଜଣକ ହେଉଛନ୍ତି ପୁରୁଣାକଟକ ର ଏକ ଘରୋଇ ଶିକ୍ଷାନୁଷ୍ଟାନ ରେ ଶିକ୍ଷକତା କରୁଥିବା ଶିକ୍ଷୟତ୍ରୀ ଶାଶ୍ଵତୀ ମିଶ୍ର। ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଥିବା ଦେଖିବାକୁ ମିଳିଛି।

ସବୁଠୁ ଆଶ୍ଚର୍ଯ୍ୟ କଥା ହେଉଛି ପ୍ରାର୍ଥୀ ପାଇଁ ଆବେଦନ କରିନ ଥିବା କଥା କହିଛନ୍ତି ଶାଶ୍ଵତୀ ମିଶ୍ର।ତେବେ ଦଳ ତାଙ୍କୁ କେମିତି ଆଉ କୋଉପରିସ୍ଥିତି ରେ ପ୍ରାର୍ଥୀ କରେଇଲା ତାହା ସମସ୍ତଙ୍କୁ ଚକିତ କରିଛି।ବିଗତ ୨୦୧୪   ମସିହା ରେ ଦଳ ସମରେଶ ମିଶ୍ର ଙ୍କୁ ଟିକେଟ ଦେଇଥିବା ବେଳେ ୨୦୧୯  ମସିହାରେ ଦଳ କାହାକୁ ପ୍ରାର୍ଥୀ କରେଇନଥିଲା। କିନ୍ତୁ ଚଳିତ ସାଧାରଣ ନିର୍ବାଚନ ରେ ଆମ ଆଦମୀ ଦଳ ପକ୍ଷରୁ ଏକ ମହିଳା ଙ୍କୁ ପ୍ରାର୍ଥୀ କରିବା କଥା ବର୍ତମାନ ବୌଦ୍ଧ ନିର୍ବାଚନ ମଣ୍ଡଳୀ ରେ ଚର୍ଚ୍ଚା ର ବିନ୍ଦୁ ପାଲଟିଛି।