କାଶୀପୁର : (ଅଞ୍ଜନ କୁମାର ନାଏକ)କାଶୀପୁର ବ୍ଲକ ଟିକିରି ଥାନା ଅନ୍ତର୍ଗତ ପୁହୁଣ୍ଡି ଛକ ରେ ଆଜି ଅବକାରୀ ଟିମ ଓ କାଶୀପୁର ନିର୍ବାଚନ ପ୍ରବର୍ତ୍ତନ ଦଳ ମିଳିତ ଉଦ୍ୟମରେ ଜଣେ ଅଭିଯୁକ୍ତ ଙ୍କ ଠାରୁ ବିପୁଳ ପରିମାଣରେ ବେଆଇନ ବିଏର ଚାଲାଣ କରୁଥିବା ସମୟରେ ଜବତ କରାଯାଇଛି ।ଅଭିଯୁକ୍ତ ହେଲେ ମାଙ୍କଡଝୋଲା ଗ୍ରାମର ବିଟୁ ସାଗର ଙ୍କର ପୁଅ ବିଭୁତି ସାଗର ।

ସେ ନିୟମିତ ବେଆଇନ ବିଦେଶୀ ମଦ କାରବାର ରେ ଜଡିତ ରହିଥିବା ବେଳେ ଆଜି ଦ୍ବୀପହର ସମୟରେ ଟିକିରି ଠାରୁ ନିଜ ଗାଁ କୁ ୩ ପେଟି କିଙ୍ଗ ଫିସେର ଷ୍ଟ୍ରଙ୍ଗ ବିଏର ଏକ ବାଇକ ଯୋଗେ ଚାଲାଣ କରୁଥିଲେ । ଉକ୍ତ ଖବର ପାଇ ଦୁଇ ବିଭାଗ ର ଏକ ପେଟ୍ରୋଲିଙ୍ଗ ଟିମ ଟିକିରି ଥାନା ଅନ୍ତର୍ଗତ ପୁହୁଣ୍ଡି ଛକ ରେ ପୂର୍ବରୁ ଛପି ରହି ଚଢ଼ାଉ କରି ତାଙ୍କ ଠାରୁ ବେଆଇନ ଚାଲାଣ କରୁଥିବା ୩ ପେଟି ବିଏର ଜବତ କରିଥିଲେ ।

ବର୍ତ୍ତମାନ ଉକ୍ତ ଜିନିଷ କୁ ଜବତ କରି ନିଜ ହେପାଜତ ରେ ରଖିଥିବା ବେଳେ ଅଭିଯୁକ୍ତ ବିଭୂତି ସାଗର ଙ୍କୁ କୋର୍ଟ ଚାଲାଣ କରାଯାଇଥିବା ଜଣାପଡିଛି । ଉକ୍ତ ଚଢ଼ାଉ ସମୟରେ କାଶୀପୁର ଗୋଷ୍ଠି ଉନ୍ନୟନ ଅଧିକାରୀ ଡ଼ଃ ଅମୃତ ରାଉଳ ସହକାଶୀପୁର ଥାନା ସବ ଇନ୍ସପେକ୍ଟର ପ୍ରଶାନ୍ତ କୁମାର ସ୍ୱାଇଁ, ଅବକାରୀ ବିଭାଗ ପକ୍ଷରୁ ଅଧିକାରୀ ଉମେଶ କୁମାର ଦୋରା,ବିଷ୍ଣୁ ପଦ, ଶକ୍ତି ପ୍ରସାଦ ବେହେରା ଓ ଅନ୍ୟ ପ୍ରମୁଖ ଉପସ୍ଥିତ ଥିଲେ।