![](https://www.aeiodisha.com/wp-content/uploads/2024/05/vlcsnap-2024-05-18-17h57m34s165.png)
ଢେଙ୍କାନାଳ:୧୭/୫ : ଢେଙ୍କାନାଳ ସହର ଜୁବୁଲିଟାଉନ୍ସ୍ଥିତ ମା ବୁଢୀ ଦେବୀଙ୍କର ବିଜୟସ୍ଥଳୀରେ ମା’ ବୁଢୀଦେବୀଙ୍କ ଚଣ୍ଡୀଯଜ୍ଞ ସହିତ ଶନିଶ୍ଚର ମହାଗ୍ରହ ଯଜ୍ଞ ୧୭ ତାରିଖ ଠାରୁ ଆରମ୍ଭ ହୋଇ ଆସନ୍ତା ୨୩ ତାରିଖ ପର୍ଯ୍ୟନ୍ତ ସପ୍ତଦିନ ବ୍ୟାପୀ ଅନୁଷ୍ଠିତ ହେବ । ୧୭ ତାରିଖ ଅପରାହ୍ନ ୪ଟା ୩୨ମି ଠାରୁ ୫ଟା ୧୭ମି. ମଧ୍ଯ ଅଙ୍କୁରାରୋପଣ, ଜଳଯାତ୍ରା ଓ ଅଧୁବାସ ପୂଜା । ଏହି ଉପଲକ୍ଷେ ଶତାଧିକ ମହିଳାମାନେ ଯାଉଁଳିପୋଖରୀରୁ ପୂଜାର୍ଚ୍ଚନା କରି ସଂକୀର୍ତନ ଓ ବାଦ୍ୟ ସହ ସହର ପରିକ୍ରମା କରି କଳସ ଯାତ୍ରା କରିଥିଲେ ।
୧୮ ତାରିଖରେ ସୂର୍ଯ୍ୟପୂଜା, ଗୋ-ପୂଜା, ଚଣ୍ଡୀପାଠ, କୁଣ୍ଡ ମଣ୍ଡଳାଦି ପୂଜା, ଅଗ୍ନିସ୍ଥାପନ ଓ ଗ୍ରହଯଜ୍ଞ ଅନୁଷ୍ଠିତ ହେବ । ୧୯ ତାରିଖରେ ଗୋପାଳ ସହସ୍ର ନାମରେ ଆହୁତି ପ୍ରଦାନ, ୨୦ ତାରିଖରେ ରୁଦ୍ରାର୍ଜନ ଓ ଦେବୀ ସହସ୍ର ନାମରେ ଆହୁତି ପ୍ରଦାନ ସହ କୀର୍ତନ, ୨୧ ତାରିଖରେ ଗୀତାଯଜ୍ଞ ଓ ଭଜନ ସମାରୋହ, ୨୨ ତାରିଖରେ ନୃସିଂହାର୍ଜନ ଓ ଆହୁତି ପ୍ରଦାନ ସହିତ ରାତ୍ରରେ ଦଣ୍ଡନୃତ୍ୟ ପରିବେଷଣ, ୨୩ ତାରିଖରେ ମା’ଙ୍କର ଷୋଡଶ ଉପଚାର ପୂଜା, ଚଣ୍ଡୀପୂଜା ଓ ପୂର୍ଣାହୁତି ହେବା ସହିତ ସଂଧ୍ୟାରେ ଭକ୍ତମାନଙ୍କ ପାଇଁ ପ୍ରସାଦ ସେବନ ଅନୁଷ୍ଠିତ ହେବ ।
ମୁଖ୍ୟ ପୂଜକ ଶୁଭେନ୍ଦୁ କୁମାର ଦାଶ, କାମେଶ ନନ୍ଦ ଓ ବିରଂଚି ପ୍ରସାଦ ନନ୍ଦ, ମନ୍ଦିରର ମୁଖ୍ୟ ପୂଜକ ରାଜ କିଶୋର ମିଶ୍ର, ପର୍ଶୁରାମ କର ଏବଂ ମୁଖ୍ୟ ଦେହୁରୀ ଫକୀର ଦେହୁରୀ, କର୍ତା ଲିଙ୍ଗରାଜ ସାହୁ, କର୍ତୀ ରେବତୀ ସାହୁ, କର୍ତା ଶିଶିର କୁମାର ବାରିକ, କର୍ତୀ ସସ୍ମିତା ବାରିକ ଓ କର୍ତା ସରୋଜ କୁମାର ମହାନ୍ତି ଓ ବୁନୁ ବରାଳ ସମସ୍ତ ପୂଜାକାର୍ଯ୍ୟକୁ ସମ୍ପାଦନ କରୁଛନ୍ତି । କର୍ମକର୍ତା ଅକ୍ଷୟ କୁମାର ଆଚାର୍ଯ୍ୟ, ସାଗରବିନ୍ଦୁ ପଟ୍ଟନାୟକ, ସୁଶାନ୍ତ କୁମାର ବାରିକ, ବିଚିତ୍ରା ବରାଳ, ରାକେଶ ଷଢଙ୍ଗୀ, ଅମି ଦାସ, ଦେବୁ ପଟ୍ଟନାୟକ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଛନ୍ତି ।