Aei Odisha
ହରଭଙ୍ଗା -( ଚିତ୍ତରଞ୍ଜନ ସିଂହ ) ଆଜି ପ୍ରଚାରର ଶେଷ ଦିନ। ପ୍ରଚାର ଶେଷ ପୂର୍ଵରୁ ଶନିବାର ବୌଦ୍ଧ ବିଧାନସଭା ନିର୍ବାଚନ ମଣ୍ଡଳୀର ହରଭଙ୍ଗା ବ୍ଲକର ସାମ୍ପୋଚ ପଞ୍ଚାୟତରେ ବିଜେଡି ନିଜର ଶକ୍ତି ପ୍ରଦର୍ଶନ କରିଛି।ସାମ୍ପୋଚ ପଂଚାୟତ ହେଡ଼କ୍ୱାର୍ଟରରୁ ଆଜି ଏକ ବିଶାଳ ବାଇକ ଶୋଭାଯାତ୍ରା ବାହାରିଥିଲା।
୭ନମ୍ବର ଜୋନ ଜିଲ୍ଲାପରିଷଦ ସଭ୍ୟ ବିଶ୍ୱଜିତ ମିଶ୍ରଙ୍କ ପ୍ରତ୍ୟକ୍ଷ୍ ତତ୍ୱାବଧାନରେ ଶତାଧିକ ବିଜେଡି କର୍ମୀ ବାଇକ ଶୋଭାଯାତ୍ରାରେ ସାମିଲ ହୋଇ ବୌଦ୍ଧ ବିଜେଡି ବିଧାୟକ ପ୍ରାର୍ଥୀ ପ୍ରଦୀପ କୁମାର ଅମାତଙ୍କୁ ପଂଚାୟତ ପରିକ୍ରମା କରାଇବା ସହ ଜନସାଧାରଣଙ୍କୁ ଭୋଟ ଭିକ୍ଷା କରିଥିଲେ।
ସେହିପରି ଶୁକ୍ରବାର ସନ୍ଧ୍ୟା ସମୟରେ ପୁରୁଣାକଟକ ବଜାରରେ ବିଜୁଜନତା ଦଳ ପକ୍ଷରୁ ବିଶାଳ ରାଲି ଅନୁଷ୍ଠିତ ହୋଇଥିଲା ବିଧାୟକ ପାର୍ଥି ପ୍ରଦୀପ କୁମାର ଅମାତ ଯୋଗଦେଇ ମାଁ ଭୈରବୀ ଙ୍କ ଦର୍ଶନ କରି ନିଜ ସମର୍ଥକ ମାନଙ୍କ ସହ ପୁରୁଣା କଟକ ସହର ପରିକ୍ରମା କରି ଭୋଟ ଭିକ୍ଷା କରିଥିଲେ l
