ହରଭଙ୍ଗା ( ଚିତ୍ତରଞ୍ଜନ ସିଂହ ).ଖୋର୍ଦ୍ଧା ବଲାଙ୍ଗୀର୫୭ ନଂ ଜାତୀୟ ରାଜପଥ ଠାରେ ମଙ୍ଗଳବାର ଦିନ ପୃଥକ ପୃଥକ ସଡ଼କ ଦୁର୍ଘଟଣା ଘଟିଥିବା ଦେଖିବାକୁ ମିଳିଛି l ଏହି ଦୁର୍ଘଟଣା ରେ ଜଣେ ମୃତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି l ସୂଚନା ଅନୁଯାଇ ୫୭ ନଂ ଜାତୀୟ ରାଜପଥ ବୌଦ୍ଧ ଥାନା ରlମ୍ଭିକଟା ଛକ ନିକଟରେ ବୌଦ୍ଧ ଖଲିଆ ବଗିଚା ମନୋଜ ପଟ୍ଟନାୟକ ଗତ କାଲି ରାତ୍ରି ରେ କୌଣସି କାର୍ଯ୍ୟରେ ଯାଇ ଘରକୁ ଫେରୁଥିବା ସମୟରେ ଅଜଣା ଗାଡି ଧକ୍କା ଦେଇ ଫେରାର ମାରିଥିଲା l ଫଳରେ ମନୋଜ ର ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା l

ସକାଳୁ ସ୍ଥାନୀୟ ଜନ ସାଧାରଣ ଶବ କୁ ଦେଖି ବୌଦ୍ଧ ପୋଲିସ କୁ ଖବର ଦେଇଥିଲେ l ଖବର ପାଇ ବୌଦ୍ଧ ପୋଲିସ ଦୁର୍ଘଟଣା ସ୍ଥଳରେ ପହଂଚି ମୃତ ଶବ ଜବଦ ସହିତ ଅଧିକ ତଦନ୍ତ ଚଳାଇଛି l ଅନ୍ୟପଟେ ପୁରୁଣାକଟକ ଥାନା ଡିଗୀଶିରl ନିକଟରେ କାର ଓ ବାଇକ ଧକ୍କା ହେବା ଫଳରେ ବାଇକ ଚାଳକ ଛିଟିକି ପଡି ଗୋଡ଼ ଭାଙ୍ଗିଯାଇ ଗୁରୁତର ହୋଇଛନ୍ତି l ବାଇକ ଚାଳକ ଜଣକ ଫୁଲଝରି ଗ୍ରାମର ବାଦଲ ବୋଲି ଜଣା ପଡିଛି l ଘଟଣା ସ୍ଥଳରେ ପୁରୁଣାକଟକ ପୋଲିସ ଓ ଅଗ୍ନିଶମ ପହଂଚି ଗୁରୁତର ବାଦଲ ଙ୍କୁ ପୁରୁଣାକଟକ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇ ଦୁର୍ଘଟଣା ର ଅଧିକ ତଦନ୍ତ ଚଳାଇଥିବା ଜଣା ପଡିଛି l