Aei Odisha
ହରଭଙ୍ଗା ; ୦୫/୦୬ (ଚିତ୍ତ ରଞ୍ଜନ ସିଂ )ହରଭଙ୍ଗା ବ୍ଲକ ପୁରୁଣାକଟକ ଥାନା ଅନ୍ତର୍ଗତ ବଦଳାସାହି ଗ୍ରାମରେ ଦେଖିବାକୁ ମିଳିଛି ଏକ ଅଭାବନିୟ ଘଟଣା। ଗ୍ରାମର ରିଙ୍କୁ ପ୍ରଧାନ ନାମକ ଏକ ଯୁବକ ବେକରେ ଗାମୁଛା ଦେଇ ଆତ୍ମହତ୍ୟା କରିଥିବା ଅଭିଯୋଗ ଶୁଣିବାକୁ ମିଳିଛି। ସୂଚନା ଅନୁଯାଇ ରିଙ୍କୁ ପ୍ରଧାନ ବଦଳାସାହି ଗ୍ରାମ ର ସୁମିତ୍ରା ପ୍ରଧାନ ଙ୍କ ଝିଅ ରଶ୍ମିତା ପ୍ରଧାନ କୁ ବିବାହ କରିଥିଲେ, ଏବଂ ଘରଜ୍ୟୋଇଁ ହୋଇ ଶଶୁର ଘରେ ରହୁଥିଲେ। ଗତକାଲି ବିଳମ୍ବିତ ରାତିରେ କୌଣସି ଏକ ଘଟଣା କୁ ନେଇ ଉଭୟ ସ୍ୱାମୀ, ସ୍ତ୍ରୀ ଓ ଶାଶୁ ଙ୍କ ସହିତ ପାଟିତୁଣ୍ଡ ହୋଇଥିଲା।
ତା ପରେ ସେ ଘରୁ କେଉଁଆଡ଼େ ଚାଲିଯାଇଥିଲେ ଆଉ ଫେରି ନ ଥିଲେ। ଡେରି ହେବାରୁ ଉଭୟ ମା ଓ ଝିଅ ରିଙ୍କୁ କୁ ଖୋଜିବାକୁ ଯିବା ସମୟରେ ରିଙ୍କୁ ପ୍ରଧାନ ନିକଟସ୍ଥ ଏକ ଗଛ ରେ ନିଜର ଗାମୁଛା ଦେଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ।ସାଙ୍ଗେ ସାଙ୍ଗେ ପାଖ ପଡ଼ୋଶୀ ଙ୍କୁ ଡାକି ତାଙ୍କୁ ଗଛ ରୁ ତଳକୁ ଆଣି ଏକ 108 ଆମ୍ବୁଲାନ୍ସ ରେ ନିକଟସ୍ଥ ଆଡ଼େନିଗଡ଼ ଡାକ୍ତରଖାନା କୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆଡ଼େନିଗଡ଼ ପୋଲିସ ଶବକୁ ଜବତ କରି ପୋଷ୍ଟମର୍ଟମ ପାଇଁ ବୌଦ୍ଧ ଡାକ୍ତରଖାନା ପଠେଇ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଚଳେଇଥିବା ବିଶେଷସୂତ୍ର ରୁ ଜଣାପଡ଼ିଛି।
