ହରଭଙ୍ଗା :୧୪/୬ .ମା ବାଉରୀ କ୍ରିକେଟ ଆସୋସିଏସନ୍ ତରଫରୁ ଚାରିଦିନିଆ ଜିଲ୍ଲା ସ୍ତରୀୟ ରାମଗଡ଼ ଜୁନିଅର ପ୍ରୀମିଅର ଲିଗ୍ 2024 ଆଜି ଉଦଯାପିତ ହୋଇଯାଇଛି । ଉଦଯାପନୀ ସମାରୋହରେ ମୁଖ୍ୟ ଅତିଥିରୂପେ ଚିତ୍ତରଞ୍ଜନ ଭୋକ୍ତା, ଅର୍ଜୁନ ସେଠୀ ପ୍ରମୁଖ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ l ଉକ୍ତ ଟୁର୍ନାମେଣ୍ଟ ରେ ଜିଲ୍ଲାର ଆଠ ଗୋଟି ଦଳ ଭାଗ ନେଇଥିବା ବେଳେ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ରାମଗଡ଼ ଓ ମାଝିସାହି (ବୁଳୁରା) ମଧ୍ୟରେ ଖେଳ ଖେଳାଯାଇଥିଲା ।

ପ୍ରଥମ ଇଁନିଂସ ରେ ବୁଲୁରା ଦଳ ନିର୍ଦ୍ଧାରିତ 8 ଓଭରରେ ମାତ୍ର 42 ରନ କରି ରାମଗଡ଼ ଦଳକୁ 43 ରନ ର ଟାର୍ଗେଟ ଦେଇଥିଲା। ରାମଗଡ଼ ଦଳ 5 ଓଭର ମଧ୍ୟରେ ଶିବୁଙ୍କ ଚମତ୍କାର ଛକା ସହିତ ସହଜ ବିଜୟ ହାସଲ କରିନେଇଥିଲା । ଉଭୟ ଦଳ ତରଫରୁ କୈଳାଶ, ଅଙ୍କିତ, ଅରୁପ,ସାହିଲ, ଲାଡେନ୍, ରାଜା,ଶିବୁ, ହାପି, ଜୁବୁଲି, ଟିକୁ,ଚନ୍ଦନ,ସିତମ୍ ପ୍ରମୁଖ ସୁନ୍ଦର ଖେଳ ପ୍ରଦର୍ଶନ କରିଥିଲେ ।

ବୁବୁଲି ଭୋକ୍ତା, କାହ୍ନା, ଟିଲୁ, ଅର୍ଜୁନ ସେଠୀ ଦୀର୍ଘ ଚାରିଦିନ ଖେଳ ପରିଚାଳନା କରିଥିବା ବେଳେମ୍ୟାନ ଅଫ ଦ ସିରିଜ ଭାବେ ଯୁବୁଲି ଭୋକ୍ତା, ଏମର୍ଜିଂ ଖେଳାଳୀ ଭାବେ ଟିକୁ ପାଣ୍ଡେ ଓ ସାହିଲ୍ ପ୍ରମୁଖ ମନୋନୀତ ହୋଇଥିଲେ lଶେଷରେ ମଂଚାସୀନ ଅତିଥି ମାନେ ଉଭୟ ଦଳକୁ ଟ୍ରଫି ସହିତ ପୁରସ୍କାର ରାଶି ପ୍ରଦାନ କରିଥିଲେ। ଦୀର୍ଘ ଚାରଦିନ ଧରି ଖେଳ ରେ ସହଯୋଗ କରିଥିବା ଅମ୍ପାୟର, ଭାଷ୍ୟକାର, କ୍ଲବ୍ ର ସମସ୍ତ ସଦସ୍ୟ ଓ ସହଯୋଗୀ, ଏବଂ ସାମ୍ବାଦିକ ଙ୍କୁ MBCC- ସଭାପତି ଚିତ୍ତରଞ୍ଜନ ଭୋକ୍ତା ଧନ୍ୟବାଦ ଜଣାଇଥିଲେ ।