ହରଭଙ୍ଗା ( ଚିତ୍ତରଞ୍ଜନ ସିଂହ )- ବୌଦ୍ଧ ଥାନା ମଥୁରା ପଞ୍ଚାୟତ ମଥୁରା ଗ୍ରାମ୍ୟ ପୋଖରୀ ରେ ବୁଡି ଯାଇ ଜଣେ ଯୁବକ ଙ୍କ ମୃତ୍ୟୁ ହୋଇଥିବା ଜଣାପଡ଼ିଛି l ସୂଚନା ମତେ ବୃନ୍ଦାବନ ଗ୍ରାମ ଟିକିରାସାହି ର ଲକ୍ଷେନ୍ଦ୍ର ସାହୁ ନାମକ ବ୍ୟକ୍ତି ସବୁଦିନ ପରି ଗତକାଲି ସନ୍ଧ୍ୟା ରେ ମଧ୍ୟ୍ୟ ଉକ୍ତ ପୋଖରୀ କୁ ଗାଧୋଇବାକୁ ଯାଇଥିଲେ l କୌଣସି ମତେ ଗୋଡ଼ ଖସିଯିବାରୁ ଯୁବକ ଜଣଙ୍କ ପାଣି ରେ ବୁଡି ଯାଇ ମୃତ୍ୟୁ ହୋଇଥୁବା ଅନୁମାନ କରାଯାଉଛି l

ପରେ ପରିବାର ଲୋକ ଗତକାଲି ଠୁ ଖୋଜାଖୋଜି କରିଥିଲେ ମଧ୍ୟ ପାଇନଥିଲେ l ଆଜି ସକାଳୁ ପୋଖରୀ ଭିତରେ ଯୁବକ ଜଣଙ୍କପଡ଼ିଥିବା ନେଇ ସ୍ଥାନୀୟ ଲୋକେ ଦେଖିଥିଲେ l ସଂଗେ ସଂଗେ ପରିବାର ଲୋକ ଙ୍କୁ ଖବର ଦେବା ସହ ବୌଦ୍ଧ ପୋଲିସ କୁ ଖବର ଦିଆଯାଇଥିଲା l ଏପଟେ ଖବର ପାଇଁ ବୌଦ୍ଧ ଅଗ୍ନିଶମ ବାହନୀ ପହଁଚି ମୃତ ଯୁବକ ଙ୍କୁ ପାଣିରୁ ଉଦ୍ଧାର କରିଥିବା ବେଳେ ପୋଲିସ ଘଟଣା ର ତଦନ୍ତ ଜାରି ରଖିଛି l