ହରଭଙ୍ଗା ୧୯/୦୬ (ଚିତ୍ତ ରଞ୍ଜନ ସିଂ )ବୌଦ୍ଧ ନିର୍ବାଚନ ମଣ୍ଡଳୀ ର ନୂତନ ବିଧାୟକ ଙ୍କ ଶପଥ ଗ୍ରହଣ। ନବ ନିର୍ବାଚିତ ବିଧାୟକ ଶ୍ରୀ ସରୋଜ କୁମାର ପ୍ରଧାନ ବୁଧବାର ଦିନ ୧୧  ଟା ସମୟରେ ଭୁବନେଶ୍ୱର ସ୍ଥିତ ଓଡିଶା ବିଧାନସଭା ଠାରେ ନିଜ ପଦ ଓ ଗୋପନିୟତା ର ଶପଥ ପାଠ କରିଥିଲେ।ରାଜ୍ୟପାଳ ଙ୍କ ଦ୍ୱାରା ନିଯୁକ୍ତ କାମଚଳା ବାଚସ୍ପତି ଶ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ବିଧାୟକ ସରୋଜ କୁମାର ପ୍ରଧାନ ଙ୍କୁ ବିଧାୟକ ଭାବେ ଶପଥ ପାଠ କରେଇଥିଲେ।

ଶ୍ରୀ ସରୋଜ କୁମାର ପ୍ରଧାନ ପ୍ରଥମ ଥର ପାଇଁ ବୌଦ୍ଧ ନିର୍ବାଚନ ମଣ୍ଡଳୀ ରୁ ଓଡିଶା ବିଧାନସଭା କୁ ବିଧାୟକ ଭାବେ ନିର୍ବାଚିତ ହୋଇଛନ୍ତି। ଶପଥ ପାଠ ପରେ ବୌଦ୍ଧ ନିର୍ବାଚନ ମଣ୍ଡଳୀ ରେ ଆନନ୍ଦ ର ଲହରୀ ଖେଳିଯାଇଛି। ଅଞ୍ଚଳ ର ସମସ୍ୟା ତଥା ବିକାଶ ପାଇଁ ସଦା ସର୍ବଦା ତତ୍ପରତା ଦେଖାଇବି ବୋଲି ଶପଥ ପାଠ ପରେ ନୂତନ ବିଧାୟକ ସରୋଜ ପ୍ରଧାନ ଗଣମାଧ୍ୟମ ଙ୍କୁ ସୂଚନା ଦେଇଛନ୍ତି।