ସୁବର୍ଣ୍ଣପୁର : (ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସୋନପୁର ସମ୍ବଲପୁର ରାସ୍ତାର ମାଁ ମେଟାକାନି ମନ୍ଦୀର ନିକଟରେ ଏକ ମର୍ମଦୁନ୍ତ ସଡକ ଦୁର୍ଘଟଣା ଘଟିଯାଇଛି । ଏହି ମନ୍ଦୀର ନିକଟ ଏକ ଚା ଦୋକାନରେ ସ୍ଥାନିୟ ଅଂଚଳର କିଛି ଯୁବକ ଚା ପିଉଥିବା ବେଳେ ସୋନପୁର ପଟରୁ ସମ୍ବଲପୁର ପଟକୁ ଯାଉଥିବା ଏକ ମେସ୍କ ପିକଅଫ ଗାଡି ଆସି ବାଡେଇ ଦେବାରୁ ତିନି ଜଣ ଯୁବକ ଙ୍କ ଘଟଣାସ୍ଥଳ ରେ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇ ସ୍ଥାନିୟ ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସୀତ ହେଉଛନ୍ତି ।

ଏହି ମୃତ ଯୁବକ ମାନେ ହେଲେ ଉଲୁଣ୍ଡା ବ୍ଲକ ଅଇଁଲାଛାଟ ଗାଁର ରାଜା କୁମ୍ଭାର , ନାରାଣଟିକ୍ରା ଗାଁର ଦେବାନନ୍ଦ ସୂଜଳ ଓ ମାଟଖାଇ ବଲପାଲି ଗାଁର ସୁସାନ୍ତ ସାହୁ ବୋଲି ଜଣା ପଡିଛି । ଏହି ମେସ୍କ ପିକଅଫ ଗାଡି ଟି ତିନୋଟି ବାଇକ ଓ ଗୋଟିଏ ଅଟୋ ରିକ୍ସାକୁ ମଧ୍ୟ ବାଡେଇ ଚୁରମାର କରିଦେଇଛି । ଘଟଣା ସ୍ଥାଳରୁ ମେସ୍କ ପିକଅଫ ଗାଡିିଟି ଫେରାର ମାରିବାରେ ସଫଳ ହୋଇଛି । ଘଟଣା ସ୍ଥଳରେ ଉଲୁଣ୍ଡା ପୋଲିସ ପହଚିଂ ଘଟଣାର ଅନୁସନ୍ଧାନ କରିବା ସହିତ ଗାଡିଟିକୁ ଖୋଜୁଥିବା ସୂଚନା ମିଳିଛି ।