Aei Odisha
ହରଭଙ୍ଗା ୭/୮ (ଚିତ୍ତ ରଞ୍ଜନ ସିଂ )ହରଭଙ୍ଗା ଉଚ୍ଚ ବିଦ୍ୟାଳୟ ରେ ଦୀର୍ଘ 25 ବର୍ଷ ଧରି ଶିକ୍ଷକତା ଓ ପରେ ଅବସର ଗ୍ରହଣ କରିଥିବା ଶିକ୍ଷକ କୃଷ୍ଣ ମୋହନ ମିଶ୍ର ଙ୍କ ବୁଧବାର ସକାଳ ପ୍ରାୟ 8 ଟା ସମୟରେ ଅନଗୁଳ ଜିଲ୍ଲା ଆଠମଲ୍ଲିକ ସ୍ଥିତ ନିଜ ବାସଭବନ ରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ 68 ବର୍ଷ ହୋଇଥିଲା। ସେ ଜଣେ ମେଳାପୀ ଓ ପରୋପକାରୀ ବ୍ୟକ୍ତି ଥିଲେ।
ଯେହେତୁ ଦୀର୍ଘ 25 ବର୍ଷ ଧରି ସେ ହରଭଙ୍ଗା ଉଚ୍ଚ ବିଦ୍ୟାଳୟ ରେ ଶିକ୍ଷକତା କରିଥିଲେ ତେଣୁ ଶ୍ରୀ ମିଶ୍ର ଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ହରଭଙ୍ଗା ଅଞ୍ଚଳ ର ଜନସାଧାରଣ,ଛାତ୍ର ଛାତ୍ରୀ, ବୁଦ୍ଧିଜୀବୀ, ସମାଜସେବୀ ଦୁଃଖ ପ୍ରକାଶ କରିବା ସହିତ ହରଭଙ୍ଗା ଅଞ୍ଚଳ ରେ ଏକ ଶୋକ ର ଛାୟା ଖେଳି ଯାଇଥିଲା।ମୃତ୍ୟୁଶଯ୍ୟା ନିକଟ ରେ ତାଙ୍କର ବଡ଼ ପୁଅ ମଦନ ମିଶ୍ର ଉପସ୍ଥିତ ଥିଲେ। ଗ୍ରାମ ସ୍ମଶାନ ରେ ତାଙ୍କର ଶେଷକୃତ୍ୟ ସମାପନ ହୋଇଥିଲା।
