ଭଦ୍ରକ : (ଶ୍ୟାମସୁନ୍ଦର ଦାସ )ବଜ୍ରାଘାତ ଘଟି ଚାଲିଗଲା ଜଣକ ଜୀବନ ଏବଂ ଅନ୍ୟ ଜଣେ ଗୁରୁତର I ଆଗରପଡ଼ା ଥାନା ଅନ୍ତର୍ଗତ ସାହୁପଡ଼ା କେନାଲ ପୋଲ ନିକଟରେ ସାହୁପଡ଼ା ଗ୍ରାମର ଅମର ସେଠୀ (୨୯) ନିଜ ଜମିରେ ଚାଷ କାର୍ଯ୍ୟ କରୁଥିବା ବେଳେ ବର୍ଷା ସାଙ୍ଗକୁ ବଜ୍ରପାତ ହୋଇଥିଲା ଏହି ସମୟରେ ଚାଷ ଜମିରେ କାର୍ଯ୍ୟ କରୁଥିବା ଅମର ବଜ୍ରାଘାତର ଶିକାର ହୋଇ ଗୁରୁତ୍ୱର ହୋଇପଡ଼ିଥିଲେ l

ଅନୁରୂପ ଭାବେ ସେହି ଗ୍ରାମର ତାରିଣୀ ମନ୍ଦିର ନିକଟ କ୍ଷେତରେ ଚାଷ କାର୍ଯ୍ୟ କରୁଥିବା ଚକ୍ରଧର ଦାସ (୫୮) ବଜ୍ରାଘାତର ଶିକାର ହୋଇ ଗୁରୁତ୍ୱର ହୋଇପଡ଼ିଥିଲେ l ଦୁଇ ଜଣଙ୍କୁ ସ୍ଥାନୀୟ ଲୋକେ ସଙ୍ଗେ ସଙ୍ଗେ ଉଦ୍ଧାର କରି ଆଗରପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିବା ବେଳେ ସେଠାରେ ଡ଼ାକ୍ତର ଚକ୍ରଧରଙ୍କୁ ମୃତ ଘୋଷଣା କରିଥିବା ବେଳେ ଅମରଙ୍କୁ ଗୁରୁତ୍ୱର ଅବସ୍ଥାରେ ଚିକିତ୍ସା କରାଯାଉଥିବା ଜଣା ପଡ଼ିଛି l ଖବର ପାଇ ଘଟଣା ସ୍ଥଳରେ ଆଗରପଡ଼ା ପୋଲିସ୍ ପହଞ୍ଚିଥିବା ସୂଚନା ମିଳିଛି I