ହରଭଙ୍ଗା(ଚିତ୍ତରଞ୍ଜନସିଂ): ବୌଦ୍ଧ ଜିଲ୍ଲା କ୍ରିକେଟ୍ ସଙ୍ଘ ର ବାର୍ଷିକ ସାଧାରଣ ପରିଷଦ ବୈଠକ ବୌଦ୍ଧ ଟାଉନ ହଲ ଠାରେ ଅନୁଷ୍ଠିତ ହୋଇଯାଇଛି l ଜିଲ୍ଲା କ୍ରିକେଟ ସଙ୍ଘ ର ସଭାପତି ନିରଞ୍ଜନ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସମ୍ପାଦକ ଯୁଗଳ କିଶୋର ସାମଲ ବାର୍ଷିକ ବିବରଣୀ ଉପସ୍ଥାପନ କରିଥିଲେ | ସେହିପରି କୋଷାଧ୍ୟକ୍ଷ ଭବେଶ କୁମାର ଯୋଶୀ ଆୟ ବ୍ୟୟ ବିବରଣୀ ଏବଂ କାର୍ଯ୍ୟକାରୀ କମିଟି ସଦସ୍ୟ ଆଶୁତୋଷ ଦାଶ ଚଳିତ ବର୍ଷ ର ବଜେଟ ଉପସ୍ଥାପନ କରିଥିଲେ l

ଗତ ସାଧାରଣ ପରିଷଦ ବୈଠକରେ ପାରିତ ପ୍ରସ୍ତାବ ଏହି ବୈଠକରେ ଦୃଢ଼ୀକରଣ କରାଯିବା ସହ ସଙ୍ଘର ଚଳିତ ବର୍ଷ ପାଇଁ ବଜେଟ ଅନୁମୋଦନ କରାଯାଇଥିଲା l ଏହାଛଡା ବୌଦ୍ଧ ଜିଲ୍ଲାରେ କ୍ରିକେଟ୍ ଭିତ୍ତିଭୂମିର ବିକାଶ ପାଇଁ ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ବୈଠକରେ ନିଷ୍ପତ୍ତି ଗ୍ରହଣ କରା ଯାଇଥିଲା l ଉପ ସଭାପତି ଲମ୍ବୋଦର ପୁରୋହିତ, ସହ ସମ୍ପାଦକ ପ୍ରଦୀପ କୁମାର ଦାସ, କାର୍ଯ୍ୟକାରୀ ସଦସ୍ୟ ପ୍ରଦୀପ ଡାଙ୍ଗ ପ୍ରମୁଖ ବୈଠକରେ ମଞ୍ଚାସୀନ ଥିବାବେଳେ ଜିଲ୍ଲାର ବିଭିନ୍ନ ଅଞ୍ଚଳର ସଦସ୍ୟ ମାନେ ଯୋଗ ଦେଇ ଆଲୋଚନାରେ ଅଂଶଗ୍ରହଣ କରିଥିଲେ |