ଭଦ୍ରକ : (ଶ୍ୟାମସୁନ୍ଦର ଦାସ )ବଜ୍ରାଘାତରେ ତିନି ମୃତ ଜଣେ ଗୁରୁତ୍ୱର I ଆଗରପଡ଼ା ଥାନା ଭାଗରାମ୍ ଗାଁର ଗୌର ଦାଶ (୬୦) , ଚାରିଗାଁ ଗ୍ରାମର ଗଣେଶ ଜେନା (୬୦) ଏବଂ ବାଲେଶ୍ଵର ଜିଲ୍ଲା ଖଇରା ଥାନା ପଦନା ଗାଁର ରାକେଶ ତିଆଡି (୩୫) ନିଜ ଘର ପାଖ ଚାଷ ଜମିରେ କାମ କରୁଥିବା ବେଳେ ବଜ୍ରପାତ ଯୋଗୁଁ ବିଲରେ ହଠାତ୍ ଟଳି ପଡିଥିଲେ l

ସ୍ଥାନୀୟ ଲୋକମାନେ ଉଭୟଙ୍କୁ ଉଦ୍ଧାର କରି ଆଗରପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିବା ବେଳେ ଡ଼ାକ୍ତର ଉଭୟଙ୍କୁ ମୃତ ଘୋଷଣା କରିଥିବା ଜଣାପଡ଼ିଛି l ସେହିପରି ହରିପୁର ଗାଁର ଚଞ୍ଚଳା ବାହାଲିଆ (୪୮) ଏବଂ ଗୋପୀନାଥ ପୁର ଅଞ୍ଚଳର ରମାକାନ୍ତ ସାହୁ (୪୦) ଚାଷ ଜମିରେ କାର୍ଯ୍ୟ କରୁଥିବା ବେଳେ ବଜ୍ରାଘାତର ଶିକାର ହୋଇ ଗୁରୁତ୍ୱର ହୋଇଥିଲେ । ସେମାନଙ୍କୁ ସଙ୍ଗେ ସଙ୍ଗେ ଆଗରପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।