ସୁବର୍ଣ୍ଣପୁର:  (ଅଜିତ କୁମାର ପୁଜାହାରୀ)ଆଜି ଗୋପାଳଜୀ ତମଶ୍ଵା ଯୋଗାଳୟ ସୁବର୍ଣ୍ଣପୁର ସହରର ସାଧନା କକ୍ଷରେ ଆନ୍ତର୍ଜାତିକ ବରିଷ୍ଠ ନାଗରିକ ଦିବସ ଏବଂ ସ୍ଵଭାବ କବି ଗଙ୍ଗାଧର ମେହେରଙ୍କ ୧୬୩ ତମ ଜନ୍ମତିଥି ପାଳିତ ହୋଇଯାଇଛି । ବରିଷ୍ଠ ନାଗରିକ ସଂଘର ସଭାପତି ଡ. ଜ୍ୟୋତି ରଞ୍ଜନ ବହିଦାରଙ୍କ ଅଧ୍ୟକ୍ଷତା ରେ ସଭା ଅନୁଷ୍ଠିତ ହୋଇଥିବା ବେଳେ ବରିଷ୍ଠ ଉପଦେଷ୍ଟା ଗୋରେଖନାଥ ସାହୁ, ଉପ ସଭାପତି ଡ ଆର୍ତ୍ତତ୍ରାଣ ବାବୁ, ଶିକ୍ଷାବିତ୍ ପ୍ରଦୀପ ପୁରୋହିତ ବିଷୟ ବସ୍ତୁ ଉପରେ ବକ୍ତବ୍ୟ ପ୍ରଦାନ କରିଥିଲେ I

ସମସ୍ତ ବରିଷ୍ଠ ନାଗରିକ ନିଜର ହକ୍ ପାଇଁ ଏକ ଜୁଟ ହୋଇ ଲଡ଼େଇ କରିବା ସଙ୍ଗେ ସଙ୍ଗେ ସମାଜ ଓ ରାଷ୍ଟ୍ର ପ୍ରତି ସମର୍ପିତ ହେବା ପାଇଁ ଆହ୍ଵାନ ଦେଇଥିବା ବେଳେ ସ୍ଵାଭାବ କବି ଙ୍କର ସାହିତ୍ୟକୃତି ପାଇଁ ନବେଲ ପୁରସ୍କାର ପାଇବାପାଇଁ ହକଦାର ବୋଲିମତ ପ୍ରକାଶ ପାଇଥିଲା ।

ଶ୍ରୀମତୀ ମଞ୍ଜୁଶ୍ରୀ ବାବୁ ଆବହନୀ ସଙ୍ଗୀତ ଏବଂଶ୍ରୀ ଯଜ୍ଞେଶ୍ୱର ପୂଜାହାରୀ ଉଦ୍ଯାପନୀ ସଙ୍ଗୀତ ଗାନ କରିଥିଲେ । ସମ୍ପାଦକ ଶ୍ରୀଯୁକ୍ତ ଜ୍ୟୋତିରଞ୍ଜନ ପଟ୍ଟନାୟକ ସଭା ସଂଯୋଜନା କରିଥିବା ବେଳେ ବରିଷ୍ଠ ସଭ୍ୟ ଶିକ୍ଷାବିତ୍ ଦେବ କିଶୋରଦାନୀ ଧନ୍ୟବାଦ ପ୍ରଦାନ କରିଥିଲେ ।ଏହି କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲା ବରିଷ୍ଠ ନାଗରି ସଂଘ ଏବଂ ଶ୍ରୀ ଗୋପାଳଜୀ ଯୋଗାଳୟର ସମସ୍ତ ସଭ୍ୟା ସଭ୍ୟ ଯୋଗଦାନ କରିଥିଲେ ।