ସୁବର୍ଣ୍ଣପୁର: (ଅଜିତ କୁମାର ପୁଜାହାରୀ)ପୁଣି ପାତାଳୀ ଶ୍ରୀକ୍ଷେତ୍ରରୁ ତାଲା କାଟି ହୁଣ୍ଡି ଚୋରି । ସୁବର୍ଣ୍ଣପୁର ଜିଲ୍ଲା କୋଟସମଲେଇ ସ୍ଥିତ ପାତାଳୀ ଶ୍ରୀକ୍ଷେତ୍ର ହୁଣ୍ଡି ରୁ ଚୋରି ହୋଇଥିବା ଅଭିଯୋଗ ହୋଇଛି l ଗତକାଲି ବିଳମ୍ବିତ ରାତିରେ ଦିର୍ବୁତ୍ତ ମାନେ ଜଗନ୍ନାଥ ମନ୍ଦିରର ତାଲା କାଟି ହୁଣ୍ଡି ସମେତ ଏମ୍ପ୍ଲି ଫାୟାର ଏବଂ ଅନ୍ୟାନ୍ୟ ସାମଗ୍ରୀ ଚୋରି କରି ନେଇଯାଇଛନ୍ତି l ଆଜି ସକାଳୁ ପୂଜକ ପହଞ୍ଚି ଦେଖିଲା ପରେ ମନ୍ଦିରର ତାଲା କଟା ଅବସ୍ଥାରେ ପଡ଼ିଥିବାରୁ ଚୋରି ହୋଇଥିବା ଜାଣିବାକୁ ପାଇଥିଲେ l

ତୁରନ୍ତ ପାତାଳୀ ଟ୍ରଷ୍ଟକୁ ଘଟଣା ବିଷୟରେ ଜଣାଇଥିଲେ l ଖବର ପାଇଁ ପୋଲିସ ମଧ୍ୟ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ମନ୍ଦିର ପଛପଟୁ ହୁଣ୍ଡି ଉଦ୍ଧାର କରିଥିବା ଜଣାପଡିଛି l ତେବେ ହୁଣ୍ଡିରେ କେତେ ଟଙ୍କା ଥିଲା ତାହା ସ୍ପଷ୍ଟ ଜଣା ପଡ଼ି ନାହିଁ l ଗତ କିଛି ମାସ ତଳେ ସମାନ ଢଙ୍ଗରେ ଏହି ମନ୍ଦିରରୁ ଚୋରୀ ହୋଇଥିଲେ ହେଁ ପୋଲିସ କାହାକୁ ଗିରଫ କରିବାରେ ସମର୍ଥ ହୋଇ ନଥିଲା l ବାରମ୍ବାର ଏଭଳି ଘଟଣା ସତ୍ବେ ପୋଲିସ ପ୍ରଶାସନ ଗୁରୁତ୍ବ ଦେଉ ନଥିବା ସାଧାରଣ ରେ ଅଭିଯୋଗ ହେଉଛି l