ଧର୍ମଗଡ଼ ତା ୭/୧୧/୨୪(ହେମନ୍ତ କୁମାର ମାଝୀ)ଧର୍ମଗଡ଼ କଳାହାଣ୍ଡି ଜିଲ୍ଲା ଧର୍ମଗଡ଼ ସ୍ଥିତ ବିଜୁ କଲ୍ୟାଣ ମଣ୍ଡପ ଠାରେ ଉପଖଣ୍ଡ ସ୍ତରୀୟ କୃଷି ଯନ୍ତ୍ରପାତି ମେଳା ଅନୁଷ୍ଠିତ ହୋଇଯାଇଛି। ଏହି ମେଳା ୬ଅକ୍ଟୋବର ଠାରୁ ୮ ଅକ୍ଟୋବର ପର୍ଯ୍ୟନ୍ତ ତିନି ଦିନ ଧରି ଅନୁଷ୍ଠିତ ହେବ।

ଉକ୍ତ କାର୍ଯ୍ୟକ୍ରମର ଦ୍ଵିତୀୟ ଦିନ ଉତ୍ସବରେ ମୁଖ୍ୟ ଅତିଥି ଭାବରେ ଧର୍ମଗଡ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ , ସମ୍ମାନିତ ଅତିଥି ଭାବେ ଜିଲ୍ଲା ମୁଖ୍ୟ କୃଷି ଅଧିକାରୀ ମଳୟ କୁମାର ପରିଡା, ନିର୍ବାହୀ ଯନ୍ତ୍ରୀ କୃଷି, ଜଗବନ୍ଧୁ ମହାଳି , କୃଷି ଜିଲ୍ଲା ଅଧିକାରୀ ଜୁନାଗଡ଼ କମଳ କୁମାର ନାଏକ , କୃଷି ଜିଲ୍ଲା ଅଧିକାରୀ ଧର୍ମଗଡ଼ ସଞ୍ଜୟ କୁମାର ପାତ୍ର , ସହକାରୀ ଉଦ୍ୟାନ କୃଷି ନିର୍ଦେଶକ ଧର୍ମଗଡ଼ ମଳୟ କୁମାର ସିଂହ, ଧର୍ମଗଡ ବ୍ଲକ କୃଷି ଅଧିକାରି ନୀଳକଣ୍ଠ ମେହେର , ଯୋଗ ଦେଇଥିଲେ ।

ଏଥିରେ କୃଷି ଉପକରଣ ଏବଂ ବିଭିନ୍ନ ରୋଗପୋକ ସମ୍ୱନ୍ଧରେ କିଛି ଅଭିଭାଷଣ ରଖିଥିବା ବେଳେ ବିଭିନ୍ନ କୃଷି ଉପକରଣ ଯନ୍ତ୍ରପାତି ଉପରେ ମଧ୍ୟ ଉଦବୋଧନ ଦେଇଥିଲେ । ଏହି କାର୍ଯ୍ୟକ୍ରମରେ ଉପଖଣ୍ଡ ସ୍ତରୀୟ ସମସ୍ତ ବ୍ଲକର ଚାଷୀ ମାନେ ଯୋଗ ଦେଇ ବିଭିନ୍ନ ପ୍ରକାର କୃଷି ଯନ୍ତ୍ରପାତି ମଧ୍ୟ କ୍ରୟ କରିଥିବା ଦେଖିବାକୁ ମିଳିଛି। ଆଜିକାର କାର୍ଯ୍ୟକ୍ରମରେ ବିନୟ କୁମାର ସାହୁ ମଞ୍ଚ ପରିଚାଳନା କରିଥିଵା ବେଳେ ସମସ୍ତ ବ୍ଲକ ସ୍ତରୀୟ କୃଷି ବିଭାଗ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ ।