ବୌଦ୍ଧ ( ଚିତ୍ତରଞ୍ଜନ ସିଂହ )ବୌଦ୍ଧ ଜିଲ୍ଲା ର ହରଭଙ୍ଗା ବ୍ଲକ ଅନ୍ତର୍ଗତ ତିଲେଶ୍ଵର, ହାଟଗାଁ, ବଡବନ୍ଧ, ପ୍ରଗଳପୁର, ରାଧା ନଗର , ଖଣ୍ଡହୋତା , ବାହାଲି , ମଥୁରା ଆଦି 8ଟି ଗ୍ରାମରେ ପ୍ରଥମ ଓଡ଼ିଶା ତରଫରୁ ଶିଶୁ ଦିବସ ପାଳନ କରାଯାଇଛି। ତନ୍ମଧ୍ୟରୁ  ୪ ଟି ବିଦ୍ୟାଳୟରେ ଓ ୪ ଟି କମ୍ୟୁନିଟିରେ ପାଳିତ ହୋଇଛି। ଛାତ୍ରଛାତ୍ରୀ ବିଭିନ୍ନ କାର୍ଯ୍ୟକଳାପ ଯଥା- ନୃତ୍ୟ, ସଙ୍ଗୀତ, ଭାଷଣ, ଚିତ୍ରାଙ୍କନ, କାହାଣୀ କଥନ, କୁଇଜ୍, , ପୁଚି ଖେଳ ଆଦିରେ ଅଂଶଗ୍ରହଣ କରି ପୁରସ୍କୃତ ହୋଇଥିଲେ।

ଉକ୍ତ କାର୍ଯ୍ୟକ୍ରମରେ ପ୍ରଥମ ଏଜୁକେସନର ଜିଲ୍ଲା ସଂଯୋଜକ ପିଙ୍କିନା ବେହେରା ଓ ଶକୁନ୍ତଳା ମହଲା ସହ ସମସ୍ତ ବ୍ଲକ ସଂଯୋଜକ ଉପେନ୍ଦ୍ର, ରାକେଶ , ଶିବପ୍ରସାଦ, ବିଦ୍ୟାଧର ,ପ୍ରଦୀପ ,ଅସ୍ମିତା , ଯଶୋବନ୍ତି , ଲିପ୍ସା , ପ୍ରିୟଙ୍କା , ରଶ୍ମୀତା , ସୁଦେଶ୍ନା ପ୍ରମୁଖ ସାମିଲ ହୋଇଥିଲେ। ଏଥିରେ ପ୍ରଧାନ ଶିକ୍ଷକ, ଅଙ୍ଗନୱାଡ଼ି କର୍ମୀ, ଆଶା ଦିଦି , CRP ଦିଦି,ସ୍ୱେଚ୍ଛାସେବୀ ଓ ଗ୍ରାମବାସୀ ଶିଶୁ ଦିବସ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।