ବେଲଗୁଣ୍ଠା :୧୬/୧୨  ଡ଼୍ରାଇଭରର ଆଖି ଲାଖି ଯିବାରୁ ଏକ ସ୍ନାକ୍ସ ବୋଝେଇ ଟ୍ରକ୍ ରାସ୍ତା ପାର୍ଶ୍ଵ ଜମିକୁ ଓଲଟି ପଡିଛି I ସୂଚନା ପ୍ରକାରେ ଏକ ଟ୍ରକ୍ ମହାରାଷ୍ଟ୍ରର ନାଗପୁରରୁ ହଳଦୀରାମ୍ କମ୍ପାନିର ସ୍ନାକ୍ସ ଧରି ରବିବାର ରାତିରେ ବ୍ରହ୍ମପୁର ଅଭିମୁଖେ ଯାଉଥିଲା I

ରାତି ୧୦ ଟା ସମୟରେ ଗାଙ୍ଗପୁର ନିକଟସ୍ଥ ଖଇରପୁଟି ହନୁମାନ ମନ୍ଦିର ଠାରୁ ୨୦୦  ମିଟର ଆଗକୁ ଯିବା ପରେ ଗାଡ଼ି ଚାଳକର ଆଖି ଲାଖିଯିବାରୁ ଟ୍ରକ୍ ଟି ରାସ୍ତା ପାର୍ଶ୍ୱକୁ ଚାଲିଯାଇଥିଲା I

ଗାଡ଼ିଟିକୁ ମୁଖ୍ୟ ରାସ୍ତାକୁ ଆଣିବା ପାଇଁ ଚାଳକଙ୍କ ଚେଷ୍ଟା ସତ୍ତ୍ୱେ ଗାଡ଼ିଟି ଭାରସାମ୍ୟ ହରାଇ ରାସ୍ତା ପାର୍ଶ୍ଵସ୍ଥ ଖାଲୁଆ ଜମିକୁ ଓଲଟି ପଡ଼ିଥିଲା I ଏହି ଦୁର୍ଘଟଣାରେ କୌଣସି ବ୍ୟକ୍ତି ମୃତାହତ ହୋଇନଥିବା ବେଳେ ଗାଙ୍ଗପୁର ପୋଲିସ୍ ଘଟଣା ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରିଥିବା ଜଣା ପଡିଛି I