Aei Odisha
ହରଭଙ୍ଗା ( ଚିତ୍ତରଞ୍ଜନ ସିଂହ ) ବୌଦ୍ଧ ଜିଲ୍ଲା ହରଭଙ୍ଗା ବ୍ଳକ ବିରନର ସିଂହପୁର ଠାରେ ଚଳିତ ବର୍ଷ ଅଷ୍ଟମ ଗଡଜାତ ଲୋକ ମହୋତ୍ସବ ଅନ୍ତିମ ସନ୍ଧ୍ୟା ଅନୁଷ୍ଠିତ ହୋଇଯାଇଛି। l ଆଜି ଗଡଜାତ ମହୋତ୍ସବର ସଭାପତି ବିଶ୍ୱଜିତ ମିଶ୍ର ଙ୍କ ସଭାପତିତ୍ୱ ରେ ମୁଖ୍ୟ ଅତିଥି ଭାବେ ମୁଖ୍ୟସଚେତକ ଓଡିଶା ବିଧାନସଭା ସରୋଜ କୁମାର ପ୍ରଧାନ ବିଧାୟକ ବୌଦ୍ଧ , ସମ୍ମାନିତ ଅତିଥି ଭାବେ କହେଁଇ ଚରଣ ଡାଙ୍ଗ ବିଧାୟକ କଣ୍ଟାମାଳ ବୌଦ୍ଧ ଉପଜିଲ୍ଲାପାଳ ପ୍ରଭାତ ଚନ୍ଦ୍ର ଦଣ୍ଡସେନା ପ୍ରମୂଖ ମଞ୍ଚାସୀନ ଥିଲେ।
ଏହି ଅବସରରେ ମହୋତ୍ସବ ର ଶେଷ ସନ୍ଧ୍ୟାରେ ସମ୍ବଲପୁରୀ ମେଲୋଡି ଉମାକାନ୍ତ ବାରିକ ଓ ସାଥି , ନୃତ୍ୟ ପରିବେଷଣ କରିଥିଲେ। ସାଂକୃତିକ କାର୍ଯ୍ୟକ୍ରମକୁ ସୁରେନ୍ଦ୍ର କର୍ଣ୍ଣ ପରିଚାଳନା କରିଥିଲେ।ଶ୍ରେଷ୍ଠ ସାମ୍ବାଦିକ ଭାବେ ଶଶାଙ୍କ ଶେଖର ମିଶ୍ର, ସତ୍ୟନାରାୟଣ ପାଣି,ଅବସରପ୍ରାପ୍ତ ଶିକ୍ଷକ ଶ୍ରୀଯୁକ୍ତ ସୁଶୀଲ କୁମାର କର୍ଣ,ଡାକ୍ତର ଶ୍ରୀଯୁକ୍ତ ସୁଦର୍ଶନ ମେହେର,ଆଦର୍ଶ ଥାନା ଅଧିକାରୀ ଶ୍ରୀଯୁକ୍ତ ରଂଜିତ କୁମାର ମୁନି ଙ୍କୁ ମାନପତ୍ର ଦିଆଯାଇଥିଲା।
ସାଧୁଚରଣ ଉଚ୍ଚମାଧ୍ୟମିକ ବିଦ୍ୟାଳୟର ଛାତ୍ରୀମାନେ ସ୍ୱାଗତ ସଂଗୀତଗାନ କରିଥିଲେ ଆଜିର ମଞ୍ଚ ପରିଚାଳନା ବସନ୍ତ କୁମାର ସାହୁ କରିଥିବା ବେଳେ ବିଜୟ କୁମାର ସାହୁ ଧନ୍ୟବାଦ ପ୍ରଦାନ କରିଥିଲେ।ଏହିପରି କାର୍ଯ୍ୟକ୍ରମ କୁ ,ଡ୍ରାଇଭର ମହାସଙ୍ଘ ଓ କମିଟିର ସମସ୍ତ ସଦସ୍ୟ ସହଯୋଗ କରିଥିଲେ।
