Aei Odisha
ଭୁବନେଶ୍ବର : ୧୦/୦୧ ଗତ ଶୁକ୍ରବାର ଆନ୍ଦୋଳା ସ୍ଥିତ ବିଣାପାଣୀ କ୍ଲବ୍ ଛକ ଠାରେ ଯାଜପୁର ବିକାଶ ମଞ୍ଚ ଦ୍ୱାରା ବସ୍ତ୍ର ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି ।
ଏହି କାର୍ଯ୍ୟକ୍ରମରେ ଉକ୍ତ ସ୍ଥାନ ସ୍ଥିତ କୁଞ୍ଜବିହାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ନରେନ୍ଦ୍ର କୁମାର ମିଶ୍ର ମହୋଦୟ ଓ ସରକାରୀ ଆୟୁର୍ବେଦିକ ଚିକିତ୍ସାଳୟ , ଆନ୍ଦୋଳା, ଦଶରଥପୁର, ଯାଜପୁର ର ଚିକିତ୍ସିକା ଡା-ପ୍ରଜ୍ଞା ପାରମିତା ପଣ୍ଡା ମହୋଦୟା ବିକାଶମଞ୍ଚ ର ସଭାପତି ଓ ସମ୍ପାଦକ ଙ୍କ ଅନୁରୋଧ କ୍ରମେ ଉପସ୍ଥିତ ରହି ଅତ୍ୟନ୍ତ ଆବଶ୍ୟକ ଥିବା ଲୋକଙ୍କୁ କମ୍ବଳ ଦେଇ ଅନୁଷ୍ଠାନିକ ଭାବରେ ବସ୍ତ୍ର ପ୍ରଦାନ କାର୍ଯ୍ୟ ଆରମ୍ଭ କରିଥିଲେ।
ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ଲୋକମାନେ ସହଯୋଗ କରିବା ସହ ଖୁସି ପ୍ରକାଶ କରିଥିଲେ । ଉକ୍ତ କାର୍ଯ୍ୟକ୍ରମକୁ ମଞ୍ଚର ସଭାପତି ଶ୍ରୀ ଅକ୍ଷୟ କୁମାର ଦାସ୍ , କାର୍ଯ୍ୟକାରୀ ସମ୍ପାଦକ ଶ୍ରୀ କିଶୋର କୁମାର ଦାଶ୍ ,ପୂର୍ବତନ ସମ୍ପାଦକ ଶ୍ରୀ ନିରଞ୍ଜନ ନାୟକ୍ ଓ ସଭ୍ୟ ତଥା ଶିକ୍ଷାବିତ୍ ଶ୍ରୀ ଦେବାଶିଷ ରାଉତରାୟ ଉପସ୍ଥିତ ରହି ପରିଚାଳନା କରିଥିଲେ ।
