କେସିଙ୍ଗା: ( ପ୍ରୀତେଶ ପଟେଲ)ରାଜ୍ୟ ସରକାର ଙ୍କ ରାଜସ୍ବ ବଢ଼ାଇବାରେ ଅଧିକ ମାତ୍ର ରେ ସହାୟକ ହେଉଛି ଦେଶୀ ମଦ।ଯାହାକୁ ତିଆରି କରିବା ଓ ବିକ୍ରୟ କରିବା ପାଇଁ ବିଭିନ୍ନ ସ୍ଥାନରେ ପଞ୍ଜୀକୃତ ମଦ ଭାଟି ରହିଛି ।କଳାହାଣ୍ଡି ଜିଲ୍ଲା ର କେସିଙ୍ଗା ବ୍ଲକ୍ ରେ ପାଖା ପାଖି ୮ ରୁ ୧୦ ଟି ପଞ୍ଜୀକୃତ ଦେଶୀ ମଦ ଭାଟି ରହିଛି ।ଯେଉଁ ଠାରେ ଦେଶୀ ମଦ ବିକ୍ରି କରାଯାଉଛି ।କିନ୍ତୁ ପଞ୍ଜୀକୃତ ଦେଶୀ ଭାଟି ଅପେକ୍ଷା ବ୍ଲକ୍ ରେ ଯେତେ ଗାଁ ନାହିଁ ତା ଠାରୁ ଅଧିକ ଗାଁ ମାନଙ୍କରେ ଅଧିକ ବେସରକାରୀ ଦେଶୀ ମଦ କୋଠୀ ରହିଛି । ବ୍ଲକ୍ ର ସମସ୍ତ ଗାଁ ଗୁଡ଼ିକ ରେ ଦୁଇ ରୁ ତିନି କୋଠୀ ଥିବା ମଧ୍ୟ ଦେଖାଯାଉଛି ।ଯାହା ଦ୍ଵାରା କି ଗାଁ ଗୁଡିକରେ ମଦ ର ବନ୍ୟା ହେଉଛି ।ଯେତିକି ମଦ ଭାଟି ରେ ବିକ୍ରି ହେଉ ନାହିଁ ତାର ଦଶ ଗୁଣ କୋଠୀ ରେ ବିକ୍ରି ହେଉଥିବା ମଧ୍ୟ ଚର୍ଚ୍ଚା ହେଉଛି ।

ଘରେ ଘରେ ମଦ ମିଳୁଥିବା ବେଳେ ଏହାର ପ୍ରଭାବ ଗାଁ ପରିବେଶ ଉପରେ ପଡ଼ିବା ସହିତ ଛୋଟ ଛୋଟ ଛୁଆ ମାନଙ୍କ ଉପରେ ମଧ୍ୟ ଏହାର ବିଶେଷ ପ୍ରଭାବ ପଡ଼ୁଥିବା ସାଧାରଣ ରେ ଚର୍ଚ୍ଚା ହେଉଛି ।ଏଠାରେ କହି ରଖିବା ଉଚିତ୍ ହେବ ଯେ ପଞ୍ଜୀକୃତ ଭାଟି କୁ ନାବାଳକ ମାନଙ୍କୁ ଯିବା ବାରଣ ଥିବା ବେଳେ କୋଠୀ ରେ କିନ୍ତୁ ଏହାର ବିପରୀତ ଦେଖିବାକୁ ମିଳୁଛି ,କୋମଳ ମତି ନାବାଳକ ମାନେ ମଧ୍ୟ କୋଠୀ କୁ ଯାଇ ମଦ କିଣୁଥିବା ଦେଖିବାକୁ ମିଳୁଛି ।

ସରକାର ନିଜ ରାଜସ୍ବ ବଢ଼ାଇବା ପାଇଁ ମଦ ବିକ୍ରି କୁ ସରକାରୀ ମାନ୍ୟତା ଦେଇଥିବା ବେଳେ ଏହା ଲୋକଙ୍କ ଜୀବନ ହାନି କରିବା ସହିତ ,ପରିବାର ର ଆର୍ଥିକ ବୋଝାକୁ ବଢାଇ ଦେଉଥିବା ସାଧାରଣ ରେ ଚର୍ଚ୍ଚା ହେଉଛି ।କିନ୍ତୁ ସବୁଠାରୁ ଆଶ୍ଚର୍ଯ୍ୟ ର କଥା ହେଉଛି ଅବକାରୀ ବିଭାଗ ଏହା କୁ ଜାଣି ଶୁଣି ସୁଦ୍ଧା ଧୃତ ରାଷ୍ଟ୍ର ସାଜି ଆଖିରେ କଳାପଟି ପିନ୍ଧି ଚୁପ୍ ଚାପ୍ ବସିରହିଛି ।ନାମକୁ ମାତ୍ର କେତେ ବେଳେ କାହାକୁ ଧରି କୋର୍ଟ ଚାଲାଣ କରୁଛି।ଆହୁରି ମଧ୍ୟ ଶୁଣାଯାଏ ଯେ ମଦ କୋଠୀ ରେ ମଦ ବିକ୍ରି କରୁଥିବା ବ୍ୟକ୍ତି କୁ ଅବକାରୀ ବିଭାଗ ଗିରଫ କଲେ ,ମୁଖ୍ୟ ଭାଟି ରୁ ଅବକାରୀ ବିଭାଗ ନିକଟ କୁ ଫୋନ କଲ୍ ଯାଏ ସେହି ଲୋକଙ୍କୁ ଛାଡି ଦେବା ପାଇଁ ଓ ଅବକାରୀ ବିଭାଗ ମଧ୍ୟ ଛାଡ଼ି ଦେଉଥିବା ମଧ୍ୟ ନଜିର ରହିଛି ।

ଲୋକଙ୍କ ଚର୍ଚା ଅନୁଯାୟୀ ମଦ ଭାଟି ରୁ ଅବକାରୀ ବିଭାଗ କୁ ମାସିକ ଓ ବାର୍ଷିକ ଚାନ୍ଦା ମଧ୍ୟ ଯାଇଥାଏ ,ମଦ କୋଠୀ ଗୁଡ଼ିକ ରେ ଛାପା ନ ମାରିବା ପାଇଁ ।ଯଦି ଏହା ସତ୍ୟ ତେବେ ଏଠାରୁ ଅବକାରୀ ବିଭାଗ ର କାର୍ଯ୍ୟ କିଛି ନାହିଁ କେବଳ ନାମକୁ ମାତ୍ର ଅବକାରୀ ବିଭାଗ ରହିଛି ବୋଲି ସାଧାରଣ ରେ ଚର୍ଚ୍ଚା ।ଏପଟେ ସରକାରଙ୍କ ଠାରୁ ଦରମା ନେଇ ସେପଟେ ମଦ ମାଫିଆ ଙ୍କ ଠାରୁ ନିଜ ପକେଟ ଗରମ କରୁଛି ଅବକାରୀ ବିଭାଗ ବୋଲି ବ୍ଲକ୍ ସାରା ଚର୍ଚା ହେଉଛି ।ଅବକାରୀ ବାବୁ ମାନେ ନିଜ ପକେଟ ଗରମ କରିବା ଛାଡ଼ି ଗାଁ ଗୁଡ଼ିକୁ ମଦ ମୁକ୍ତ କରିବା ପାଇଁ ସାଧାରଣରେ ଦାବି ହେଉଛି ।ହେଲେ କେବେ ଧୃତ ରାଷ୍ଟ୍ର ସାଜିଥିବା ଅବକାରୀ ବିଭାଗ ର ଆଖି ଖୋଲିବ ଓ କେବେ ଗାଁ ଗୁଡିକରୁ ବେସରକାରୀ ମଦ କୋଠୀ ଉଠିବ ତାହା ଦେଖିବାକୁ ବାକି ରହିଲା ।