ପୁରୀ : (ମନୋଜ କୁମାର ବଳିଆର ସିଂ )ସ୍ଥାନୀୟ ୱାଟାର ୱର୍କ୍ସ ରୋଡ ସ୍ଥିତ ଶ୍ରୀ ରାମ ମନ୍ଦିର ପ୍ରାଙ୍ଗଣରେ ପ୍ରଭୁ ରାଧା କୃଷ୍ଣଙ୍କ ପ୍ରତିମୂର୍ତି ସ୍ଥାପନ ଯଜ୍ଞ କର୍ମ ଶୁକ୍ରବାର ଆରମ୍ଭ ହୋଇଯାଇଛି । ଏଥିପାଇଁ ଗୁରୁବାର ଠାରୁ ଅଙ୍କୁର ରୋପଣ ଓ ଅଧିବାସ କର୍ମ ସାରିଥିବା ବେଳେ ଶୁକ୍ରବାର ସକାଳୁ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଶୋଭାଯାତ୍ରାରେ ଅନେକ ଭକ୍ତ କଳସ ଧରି ମନ୍ଦିର ପ୍ରାଙ୍ଗଣରୁ ବାହାରି ମହୋଦଧି ରୁ ଜଳ ସଂଗ୍ରହ କରି ଯଜ୍ଞାନ ସ୍ଥଳ କୁ ଫେରିଥିଲେ ।

ପରେ ଅନ୍ଯାନ୍ଯ ନୀତି ବଢି ପ୍ରତିଷ୍ଠା ହେବାକୁ ଥିବା ବିଗ୍ରହଙ୍କ ମହାସ୍ନାନ ଓ ପ୍ରାଣ ପ୍ରତିଷ୍ଠା ବୀଧି ଅନୁଷ୍ଠିତ ହୋଇଥିଲା । ଯଜ୍ଞାନ କାର୍ଯ୍ୟ ରେ ଶ୍ରୀ ବିଭୁତି ପ୍ରସାଦ ତ୍ରିପାଠୀ ଓ ସୁପ୍ରିୟା ତ୍ରିପାଠୀ କର୍ତା କର୍ତୀ ରୂପେ ଉପସ୍ଥିତ ଥିଲେ। ଶ୍ରୀ ରାମ ମନ୍ଦିରର ସମସ୍ତ କର୍ମକର୍ତ୍ତା ଓ ଭକ୍ତ ଗଣ ଉକ୍ତ କାର୍ଯ୍ୟ ରେ ଯୋଗଦାନ କରି ସହଯୋଗ ପ୍ରଦାନ କରିଥିଲେ ।