କଣ୍ଟାବାଞ୍ଜି ବ୍ୟୁରୋ :(ନରେନ୍ଦ୍ର ନେଗୀ)ଲଗାଣ ବର୍ଷାରେ ଉବୁଟୁବୁ କଣ୍ଟାବାଞ୍ଜି ସହର । ପ୍ରବଳ ବର୍ଷା ହେତୁ କଣ୍ଟାବାଞ୍ଜି ସହରର ବିଭିନ୍ନ ଜାଗାରେ ଘରଗୁଡ଼ିକ ପାଣି ପଶି ଯାଇଥିବା ବେଳେ ଅନେକ ଲୋକଙ୍କ ଘର ଭାଙ୍ଗି ଯାଇଛି । ଏଭଳି ସ୍ଥିତିର ଅତି ଶୀଘ୍ର ସମାଧାନ ଯେମିତି ହେବ ସେଥିପ୍ରତି ଦୃଷ୍ଟି ଦେବା ପାଇ ଏଭଳି ବର୍ଷାରେ ମଧ୍ୟ ଲୋକଙ୍କ ସେବାରେ ଲାଗି ପଡିଛନ୍ତି ପୂର୍ବତନ ସୈନିକ ଗିରିରାଜ ସିଂ ମାଝୀ ।

କଣ୍ଟାବାଞ୍ଜି ବିଜ୍ଞାପିତ ଅଞ୍ଚଳ ପରିଷଦ ୱାର୍ଡ ନମ୍ବର ୭ ର ସତ୍ୟ ଭୋଇ ଏବଂ ଚନ୍ଦ୍ର ବଛା ଙ୍କ ଘର ଭାଙ୍ଗି ଯାଇଥିବା ଗିରିରାଜ ସିଂ ମାଝୀ ଜାଣିବାକୁ ପାଇଥିଲେ । ଶ୍ରୀ ମାଝୀ ସେମାନଙ୍କୁ ଘର ପାଇଁ ତ୍ରିପାଳର ବ୍ୟବସ୍ଥା କରିବା ସହିତ ସଙ୍ଗେ ସଙ୍ଗେ କଣ୍ଟାବାଞ୍ଜି ତହସିଲଦାର ଅମୃତଲାଲ ବେହେରା ଏବଂ ରାଜସ୍ବ ଅଧିକାରୀ ନନ୍ଦକିଶୋର ଭୋଇ ଙ୍କୁ ଡାକି ଦୂହି ପରିବାର ପାଇଁ ସରକାର ତରଫ ରୁ ଯେଉଁ ସବୁ ସୁବିଧା ଅଛି ଯୋଗେଇଦେବାକୁ ଅନୁରୋଧ କରିଥିଲେ !