ହରଭଙ୍ଗା :୧୬/୦୯ (ଚିତ୍ତରଞ୍ଜନ ସିଂହ) ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଅଧୀନସ୍ଥ ପୁରୁଣାକଟକ ଗୋଷ୍ଠୀସ୍ଵାସ୍ଥ୍ୟ କେନ୍ଦ୍ର ସମ୍ମୁଖ ରେ କୁଢ଼ କୁଢ଼ ମଇଳା ଆବର୍ଜନା ଜମା ହୋଇଥିବା ଚିତ୍ର ସାମ୍ନା କୁ ଆସିଛି।

ସୁଚନା ମତେ ପୁରୁଣାକଟକ ଗୋଷ୍ଠୀସ୍ବାସ୍ଥ୍ୟ କେନ୍ଦ୍ର ଉପରେ ଦୈନଦିନ ଅଞ୍ଚଳ ର ଶହ ଶହ ରୋଗୀ ନିର୍ଭର କରୁଥିବା ବେଳେ, ମେଡ଼ିକାଲ ଭଳିଆ ଏକ ସ୍ଵଚ୍ଛ ନିର୍ମଳ ସ୍ଥାନର ସମ୍ମୁଖ ରେ କୁଢ଼ କୁଢ଼ ଅଳିଆ ଆବର୍ଜନା ଗଦା ହେବା ରୋଗୀ ଓ ସାଧାରଣ ଜନତା ଙ୍କ ମନରେ ସ୍ଵଚ୍ଛ ପରିମଳ କୁ ନେ଼ଇ ଏକ ପ୍ରଶ୍ନବାଚି ସୃଷ୍ଟି କରୁଛି।

ଏହି ସବୁ ଜିନିଷ ଉପରେ ବିଭାଗୀୟ କର୍ତ୍ତୃପକ୍ଷ ଙ୍କ ତରଫରୁ ସ୍ଵଚ୍ଛ ପରିମଳ ଉପରେ ଦୃଷ୍ଟି ଦେବାର ଆବଶ୍ୟକ ପଡୁଛି। ଅନ୍ୟ ପଟେ ଦେଖିବାକୁ ଗଲେ ପୁରୁଣାକଟକ ହେଉଛି ଏକ ବେପାର ବାଣିଜ୍ୟ ର ପେଣ୍ଠସ୍ଥଳୀ। ଏବଂ ଦୈନଦିନ ଦୋକାନ ମାନଙ୍କରୁ ମଧ୍ୟ ମଇଳା ଆବର୍ଜନା ବାହାରୁଛି।ତେଣୁ ସେଥିପ୍ରତି ମଧ୍ୟ ବଣିକସଂଘ ତରଫରୁ ଦୃଷ୍ଟି ଦେବା ପାଇଁ ସାଧାରଣ ରେ ମତ ପ୍ରକାଶ ପାଉଛି ।