ମୁନିଗୁଡା :(ରମାକାନ୍ତ ପୋଡାଲ )ଦୀର୍ଘ ୧୭ ବର୍ଷ ଧରି ରାୟଗଡ଼ା ଜିଲ୍ଲା ଅମ୍ବାଦଳା ଠାରେ ପାଳନ ହେଉଥିବା ପବିତ୍ର ଗଜ ଲକ୍ଷ୍ମୀ ପୂଜା ଆରମ୍ଭ ହୋଇଯାଇଛି। କୁମାର ପୂର୍ଣ୍ଣିମାରେ ନୀତି କାନ୍ତି ଅନୁଯାୟୀ ପୂଜାର୍ଚ୍ଚନା କରାଯାଇ ଵାଘ ଡ଼ଙ୍ଗରି ନାଳରୁ ଗଙ୍ଗା ଆବାହନ କରାଯିବା ସହ ଏକ ବିଶାଳ କଳସ ଯାତ୍ରା ଅନୁଷ୍ଠିତ ହୋଇଯାଇଛି।

ହଜାର ହଜାର କଳସଧାରୀ ମହିଳା ଏଥିରେ ଅଂଶ ଗ୍ରହଣ କରିଥିବା ବେଳେ ମହିଳା କୀର୍ତ୍ତନ ମଣ୍ଡଳୀ, ଘଣ୍ଟ ବାଜା ସହ ବେଣ୍ଡ ବାଜା ଶୋଭା ଯାତ୍ରାରେ ସାମିଲ ହୋଇଥିଲେ। ଫଳରେ ଅମ୍ବାଦଳା ସହରରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହେଉଥିଲା। ଚଳିତ ବର୍ଷ ଗଜ ଲକ୍ଷ୍ମୀ ପୂଜା ପୂଜାକୁ ମହାଆଡମ୍ବରରେ ପାଳନ କରିବା ପାଇଁ ପୂଜା କମିଟି ପକ୍ଷରୁ ନିଷ୍ପତି ନିଆଯାଇଛି।