ଢେଙ୍କାନାଳ:୦୧/୧୧: ଢେଙ୍କାନାଳ ସଦର ବ୍ଲକ୍ ଅନ୍ତର୍ଗତ ମଙ୍ଗଳପୁର ଗ୍ରାମରେ ମା’ ମହାଲକ୍ଷ୍ମୀଙ୍କର ପୂଜା ଗତ ୨୮ ତାରିଖ ଠାରୁ – ଆରମ୍ଭ ହୋଇଯାଇଅଛି । ମା’ଙ୍କର ପୂଜା ୭ ଦିନ ବ୍ୟାପୀ ଚାଲୁରହିବ । ପ୍ରତ୍ୟେକ ଦିନ ସଂଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଚାଲୁଅଛି । ପ୍ରଥମ ଦିନ ପ୍ରବଚନ କାର୍ଯ୍ୟକ୍ରମର ପ୍ରବଚକ ପଣ୍ଡିତ ମାନସ ରଞ୍ଜନ ପ୍ରହରାନ, ଦ୍ବିତୀୟ ଦିନ ଦୃଷ୍ଟିହୀନ ମହାଶକ୍ତି ଜୈନ ଅନୁଷ୍ଠାନ ଦ୍ବାରା ଭଜନ ପରିବେଷଣ, ତୃତୀୟ ସଂଧ୍ୟାରେ ଗ୍ରାମର ଜୁନି କୁନି ପିଲାମାନଙ୍କ ଦ୍ବାରା ନାଚଗୀତ ପରିବେଷଣ ସହିତ ନଟିଆ କମେଡି ଅନୁଷ୍ଠିତ ହୋଇଯାଇଅଛି ।

ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଢେଙ୍କାନାଳର ପ୍ରିୟ ବିଧାୟକ ସୁଧୀର କୁମାର ସାମଲ, ସମ୍ମାନିତ ଅତିଥ ଭାବେ ସ୍ମୃତି ରଞ୍ଜନ ମହାନ୍ତ (ନଟିଆ), ସରଫଳ ଲିନା ଦାସ, ପୂଜା ଅନୁଷ୍ଠାନର ସଭାପତି ବିଚିତ୍ରାନନ୍ଦ ସାହୁ, ସମ୍ପାଦକ ଦେବୀ ପ୍ରସାଦ ମହାନ୍ତି, ବାଲ୍ୟମ୍ମା ସରପଂଚ ପ୍ରମୁଖ ଉପସ୍ଥିତ ଥିଲେ। ଗ୍ରାମର ସମସ୍ତ ଜନସାଧାରଣମାନଙ୍କ ଉପସ୍ଥିତିରେ କାର୍ଯ୍ୟକ୍ରମଟି ଉତ୍ସବ ମୁଖରିତ ହୋଇ ଉଠିଥିଲା। ଉକ୍ତ କାର୍ଯ୍ୟକ୍ରମରେ ମଂଚ ପରିଚାଳନା କାର୍ଯ୍ୟ ପ୍ରବୀଣ କୁମାର ଦାଶ ତୁଲାଇଥିଲେ । ଗ୍ରାମର ସୁରୋହିତ ଶରତ କୁମାର ଦାଶଙ୍କ ପୌରହିତ୍ୟରେ ମା’ଙ୍କ ପୂଜାର୍ଚ୍ଚନା ଧୂମଧାମରେ ପାଳନ ହୋଇଆସୁଅଛି। ବିଧାୟକଙ୍କ ଉପସ୍ଥିତି ଗ୍ରାମର ଲୋକମାନଙ୍କ ମନରେ ଖୁସି ଭରିଦେବା ସହ ବିଧାୟକଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।