ଆଗାମୀ ଦିନରେ ଚାଷୀ ଆନ୍ଦୋଳନ ର ସୂଚନା

ବୌଦ୍ଧ :(ଚିତ୍ତରଞ୍ଜନ ସିଂ )ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଲଷ୍ମୀ ନାଳରୁ କ୍ଷୁଦ୍ର ଜଳ ସେଚନ ବିଭାଗ ଦ୍ୱାରା 8 ଟି ଗ୍ରାମର ଚାଷ ଜମିରେ ଜଳ ସେଚିତ ପାଇଁ ଗାନ୍ଧୀ କେନାଲ ତିଆରି ହୋଇଥିଲା!କିନ୍ତୁ ଦୀର୍ଘ ବର୍ଷ ହେଲା ଗାନ୍ଧୀ କେନାଲର ପୁନଃରୁଦ୍ଧାର ହୋଇ ପାରି ନାଇଁ l ଯଦ୍ୱାରା ଚାଷୀ ପାଣି ପାଇଁ ବିଭିନ୍ନ ସମସ୍ୟା ରେ ସମ୍ମୁଖୀନ ହେଉଥିବା ବେଳେ ବିଭାଗୀୟ ଅଧିକାରୀ ଙ୍କୁ ଅଭିଯୋଗ କରି ହତାଶ ହେବାପରେ ଗାନ୍ଧୀ କେନାଲ ଉପରେ ନିର୍ଭର କରୁଥିବା ଅଞ୍ଚଳ ର ଶତାଧିକ ଚାଷୀମାନେ ଗୁରୁବାର ଦିନ କୁଟୁନିଆପଡା ଗ୍ରାମ ନିକଟରେ ପାଣି ଓ କେନାଲ ସମସ୍ୟା ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି l

ଉକ୍ତ ବୈଠକ ରେ ଗୁପ୍ତେଶ୍ୱର ଦେହୁରୀ ଙ୍କ ଅଧକ୍ଷତା ରେ ଅନୁଷ୍ଠିତ ବୈଠକ ରେ ଚାଷୀ ଙ୍କ ପାଣି ସମସ୍ୟା ର ସମାଧାନ, କେନାଲ ର ପୁନଃରୁଦ୍ଧାର, ଏବଂ ବିଭିନ୍ନ ସ୍ଥାନ ରେ କଂକ୍ରିଟ କରଣ, କେନାଲ ହୁଡ଼ା ରେ ରାସ୍ତା ନିର୍ମାଣ ଆଦି ଆଲୋଚନା ହେବାସହ ଖୁବ ଶୀଘ୍ର ନୂତନ ପାଣି ପଞ୍ଚାୟତ ସମିତି ଗଠନ ପାଇଁ ନିଷ୍ପତି ନିଆଯାଇଥିଲା l ଏପରିକି ଚାଷୀ ଙ୍କ ପାଣି ସମସ୍ୟା ନେଇ ବୌଦ୍ଧ ଜିଲ୍ଲାପାଳ ଓ ବିଭାଗୀୟ ଅଧିକାରୀଙ୍କୁ ଭେଟିବା ପାଇଁ ନିଷ୍ପତି ନିଆଯାଇଥିଲା ବୋଲି ବୈଠକ ଅଧକ୍ଷତା କରିଥିବା ଗୁପ୍ତେଶ୍ୱର ଦେହୁରୀ ଙ୍କ ପକ୍ଷରୁ ସୂଚନା ମିଳିଛି l ଏହି ବୈଠକ ରେ ଅଞ୍ଚଳ ର ମୂଷାଡ଼, ଟାକୁଡ଼, କୁଟୁଣିଆପଡା, ଛେଳିଲେଣ୍ଡି, ମହିବାହାଲ, ଠେଲାମାରୁଣି , କୋଇଲିସୁତା, ରାମଗଡ଼ ଅଞ୍ଚଳ ର ଶତାଧିକ ଚାଷୀ ଉପସ୍ଥିତ ଥିଲେ l