ବୌଦ୍ଧ: (ଚିତ୍ତରଞ୍ଜନ ସିଂ)ମାରିପାରେ ସେହି, ତାରିପାରେ ସେହି , ଭାଙ୍ଗିପାରେ ସେହି , ଗଢିପାରେ ସେହି ଅଦୃଶ୍ୟ ହାତ,ଜଗନ୍ନାଥ ସେ ମୋ ଜଗନ୍ନାଥ……..ଭଳି ହୃଦୟସ୍ପର୍ଶୀ ପ୍ରଭୁ ଶ୍ରୀ ଜଗନ୍ନାଥଙ୍କ ଭକ୍ତିଭାବପୂର୍ଣ ଭଜନ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲସାଗୋରା ସ୍ୱସ୍ତିକ କ୍ଲବ ଦ୍ୱାରା ଆୟୋଜିତ 25ତମ ଗଜଲକ୍ଷ୍ମୀ ପୂଜା ଅବସରରେ ଅନୁଷ୍ଠିତ ମୁରାସୁର ଦରବାର ର ଶେଷ ସନ୍ଧ୍ୟାରେ ଆୟୋଜିତ ସାଂସ୍କୃତିକ ମଞ୍ଚରେ ପୂର୍ବତନ କନ୍ଧମାଳ ସାଂସଦ, ପରିବହନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରା ସ୍ଵଭାଵ ସୁଲଭ ଢଙ୍ଗରେ ଗାନ କରି ଦରବାରରେ ଉପସ୍ଥିତ ହଜାର ହଜାର ଦର୍ଶକଙ୍କ ମନ ମୋହିଥିଲେ l

ସେ ଜଣେ ଧୂରୀଣ ରାଜନୀତିଜ୍ଞ ଭାବେ ସମଗ୍ର ଓଡ଼ିଶାରେ ଖ୍ୟାତି ଅର୍ଜନ କରିଥିବାବେଳେ ସାଂସ୍କୃତିକ ମଞ୍ଚରେ ହଜାର ହଜାର ଦର୍ଶକଙ୍କ ସମ୍ମୁଖରେ ସୁମଧୁର କଣ୍ଠରେ ପ୍ରଭୁ ଶ୍ରୀ ଜଗନ୍ନାଥ ଙ୍କ ଭଜନ ଗାନ କରି ସମସ୍ତଙ୍କ ପ୍ରଶଂସାର ପାତ୍ର ହୋଇଥିଲେ l ମୁରାସୁର ଦରବରର ସାଂସ୍କୃତିକ ସଭାରେ ଅନ୍ୟ ରାଜକୀୟ ଅତିଥିଭାବେ କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମହୀଧର ରଣା, ବିଜେଡି ରାଜ୍ୟ ସମ୍ପାଦକ ସୁଧୀର ମହାକୁଡ଼, ପୂଜା କମିଟି ସଭାପତି ଶାନ୍ତନୁ ମହାପାତ୍ର, ସମ୍ପାଦକ ବିଘ୍ନେଶ ପ୍ରଧାନ ପ୍ରମୁଖ ଉପସ୍ଥିତ ଥିଲେ