ହରଭଙ୍ଗା :୫/୧୧ (ଚିତ୍ତରଞ୍ଜନ ସିଂହ)ଜୀବନ ଜୀବିକା ନେଲା ନିରୀହ ଜୀବନ!ନିଜ କୁଳ ବୃତ୍ତି କରି ଆଜି ହରଭଙ୍ଗା ବ୍ଲକ ତିଲେଶ୍ୱର ପଞ୍ଚାୟତ ଅନ୍ତର୍ଗତ କୃଷ୍ଣ ପାଲି ଗ୍ରାମରେ ଘଟିଛି ଏହି ଅଘଟଣ!ସୂଚନା ମୁତାବକ କୃଷ୍ଣ ପାଲି ଗ୍ରାମର ସୁନିଲ ବେହେରା (୩୫ )ଜଣେ ଧିବର(କୈବର୍ତ୍ତ )ସମ୍ପ୍ରଦାୟ ର ହୋଇଥିବା ବେଳେ ନିଜ କୁଳ ବେଉସା ମାଛ ମାରି ତାର ପରିବାର ପ୍ରତି ପୋଷଣ କରୁଥିଲା!ଆଜି ପ୍ରତିଦିନ ଭଳି ଲଷ୍ମୀ ନାଳ କୁ ମାଛ ମାରିବାକୁ ଯାଇ ପାଣିରେ ବୁଡି ମୃତ୍ୟୁ ହୋଇଥିବା ଦେଖିବାକୁ ମିଳିଛି!

ବିଶେଷ ସୂତ୍ରରୁ ଖବର ପlଇ ପରିବାର ଲୋକେ ସୁନିଲ ର ମୃତ ଦେହକୁ ନାଳ ରୁ ଉଦ୍ଧାର କରି ଘରକୁ ଆଣିବା ପରେ୧୦୮ ଆମ୍ବୁଲାନ୍ସ କୁ ଖବର ଦେବା ସହିତ ପୁରୁଣାକଟକ ଥାନାକୁ ଖବର ଦେଇଥିଲେ!ଆମ୍ବୁଲାନ୍ସ ରେ ମୃତ ଶରୀର କୁ ପୁରୁଣାକଟକ ଡାକ୍ତରଖାନା କୁ ନେଇଥିବା ବେଳେ ଆସନ୍ତା କାଲି ଶବ ବ୍ୟବଛେଦ ପରେ ମୃତ୍ୟୁ ର ସଠିକ ତଥ୍ୟ ମିଳିବ ବୋଲି ପୁରୁଣାକଟକ ପୋଲିସ ପକ୍ଷରୁ ସୂଚନା ମିଳିବା ସହିତ ପୋଲିସ ମୃତ୍ୟୁ ଘଟଣାର ତଦନ୍ତ କରୁଥିବା ଜଣା ପଡିଛି!ଏପଟେ ସୁନିଲ ର ବିଧବା ମା ଓ ସ୍ତ୍ରୀ,ଛୋଟ ଛୋଟ ଦୁଇ ପୁଅ ଓ ଏକ ଝିଅ ଅନାଥ ହୋଇଥିବା ନେଇ ସରକାରୀ ସହାୟତା ପlଇଁ ଗ୍ରାମବାସୀ ଦାବି କରିଛନ୍ତି!