Aei Odisha
ବୌଦ୍ଧ: (ଚିତ୍ତରଞ୍ଜନ ସିଂ)କଣ୍ଟାମାଳ ବିଜେଡି ବିଧାୟକ ମହିଧର ରଣା ଙ୍କ ବିରୋଧରେ ଅସନ୍ତୋଷ ଦିନ କୁ ଦିନ ବୃଦ୍ଧି ପାଇବାରେ ଲାଗିଥିବା ଦେଖିବାକୁ ମିଳିଛି। ରେଙ୍ଗାଲି ପଞ୍ଚାୟତ ଠେଲକୋବେଡ଼ା ଠାରେ ମହିଧର ହଟାଓ କଣ୍ଟାମାଳ ବଞ୍ଚାଓ ଅଭିଯାନ ପ୍ରଥମ ମେଳି ହେବା ପରେ ଆଜି ଘିକୁଣ୍ଡୀ ପଞ୍ଚାୟତ ହାତୀପାଲି ଠାରେ ଦ୍ଵିତୀୟ ମେଳି ତଥା ସାଂଗଠନିକ ସଭା ଅନୁଷ୍ଠିତ ହୋଇଥିଲା।
ଘୁକୁଣ୍ଡି ପଞ୍ଚାୟତ ପୂର୍ବତନ ସମିତି ସଭ୍ୟ ଗଣେଶ ମିଶ୍ର ଏବଂ ଦିଲ୍ଲୀପ ପ୍ରଧାନ ଙ୍କ ଆୟୋଜନ ରେ ତଥା ବୌଦ୍ଧ ବ୍ଲକ ଅଧ୍ୟକ୍ଷ ତଥା ବରିଷ୍ଠ ବିଜେଡି ନେତା ପ୍ରତ୍ୟୁଷ ପ୍ରିୟଦର୍ଶୀ ରଥ ଙ୍କ ନେତୃତ୍ବରେ ଅନୁଷ୍ଠିତ ଉକ୍ତ ମେଳି ରେ ବିଜେଡି ର ବରିଷ୍ଠ ନେତା ଖଲିଆପାଲି ପଞ୍ଚାୟତ ସମିତି ସଭ୍ୟ ପ୍ରତିନିଧି କେଦାର ସାହୁ, ଦପଲା ସମିତି ସଭ୍ୟ ପ୍ରତିନିଧି ସୁଶିଲ କୁମାର ପୁରୋହିତ, ନାରାୟଣପ୍ରସାଦ ସରପଞ୍ଚ ପ୍ରତିନିଧି ସତ୍ୟନାରାୟଣ ମାଝୀ ଓରଫ୍ ବଡ କନ୍ଧ,ବହିରା ସମବାୟ ସମିତି ତଥା ଜିଲ୍ଲା ସମବାୟ ସମିତି ସଭାପତି ପୟଧର ମହାକୁଡ,ବହିରା ସରପଞ୍ଚ ଜଯାତି ମହାଳିକ, ଖଲିଆପାଲି ସରପଞ୍ଚ ପ୍ରତିନିଧି ଜେମାକାନ୍ତ ନାଏକ, ଠେଲକୋବେଡ଼ା ର ରାମହରି ପ୍ରଧାନ, ଗୋଛାପଡ଼ା ସରପଞ୍ଚ ପ୍ରତିନିଧି ବଳଦେବ ମେହେର ପ୍ରମୁଖ ବିଧାୟକ ମହିଧର ଙ୍କ ବିରୁଦ୍ଧରେ ବିଶୋଦଗାର କରିବା ପୂର୍ବକ ଭୀଷଣ ଭାବେ ଗର୍ଜିଥିଲେ।
ବିଶେଷ କରି ଆଗାମୀ ନିର୍ବାଚନ ରେ କଣ୍ଟାମାଳ ବିଜେଡି ବିଧାୟକ ପ୍ରାର୍ଥୀ ଆଶାୟୀ ତଥା ବୌଦ୍ଧ ବ୍ଲକ ଅଧ୍ୟକ୍ଷ ପ୍ରତ୍ୟୁଷ ପ୍ରିୟଦର୍ଶୀ ରଥ କଣ୍ଟାମାଳ ବିଧାୟକ ମହିଧର ରଣା ଙ୍କ ଦୁର୍ବଳ ନେତୃତ୍ବ ଯୋଗୁଁ ବିକାଶଧାରା ତଳ ସ୍ତର୍ କୁ ପହଞ୍ଚି ପାରୁ ନ ଥିବା, ମୁଖ୍ୟମନ୍ତ୍ରୀ ପ୍ରଚୁର ଅର୍ଥ ପ୍ରଦାନ କରୁଥିଲାବେଳେ ତାହା ସଫଳ ବିନିଯୋଗ ହୋଇ ପାରୁ ନ ଥିବା, କେବଳ ଠିକାଦାର ପୋଷା ସହ ଅର୍ଥ ହରିଲୁଟ କରାଯାଉଥିବା, ବିଧାୟକ ପାଣ୍ଠି କେବଳ 2 ରୁ 3 ପଞ୍ଚାୟତ କୁ ସିଂହଭାଗ ଦେଇ ଅନ୍ୟ ପଞ୍ଚାୟତ କୁ ଧର୍ମ କୁ ଆଖିଠାର ସଦୃଶ୍ୟ ପ୍ରଦାନ କରି ପାତରଅନ୍ତର କରୁଥିବା ସଭାରେ ଉପସ୍ଥିତ ହଜାର ହଜାର ଲୋକଙ୍କୁ ଉଦବୋଧନ ଦେଇଥିଲେ। ବିଧାୟକ ରଣା ବିକାଶ ର ଡିଣ୍ଡିମ ପିଟୁଥିବା ବେଳେ ଭିତ୍ତିଭୂମି ଥାଇ ମଧ୍ୟ ଓ ସରକାର ଅର୍ଥ ଯୋଗାଇ ଦେଇଥିଲେ ସୁଦ୍ଧା ଦୁର୍ବଳ ନେତୃତ୍ୱ ଯୋଗୁଁ କଣ୍ଟାମାଳ ନିର୍ବାଚନ ମଣ୍ଡଳୀ ରେ ଚାଷ ପାଇଁ ସବୁ ଗାଁ କୁ ଜଳସେଚନ ହୋଇପାରି ନାହିଁ, ପିଇବା ପାଇଁ ଲୋକେ ପାଣି ପାଇ ପାରୁ ନାହାଁନ୍ତି, ଡାକ୍ତରଖାନାରେ ଡାକ୍ତର, ସ୍କୁଲରେ ଶିକ୍ଷକ ପଦବୀ ଖାଲି ପଡ଼ିଛି,
ରୋଜଗାର ଦେବାରେ ବିଫଳ, କାମ ନ ପାଇ ଅଞ୍ଚଳ ର ଲୋକେ ଦାଦନ ଖଟିବାକୁ ଯାଉଛନ୍ତି, ଅନେକ ଗାଁ ର ରାସ୍ତାଘାଟ ଅବସ୍ଥା ଅତି ଶୋଚନୀୟ ଅବସ୍ଥାରେ ପଡ଼ି ରହିଥିବା ଶ୍ରୀ ରଥ କହିଥିଲେ। ବିଜେଡି ରେ ଅନ୍ୟ ଦଳର ଲୋକଙ୍କ ଓ ନୂଆଁ ଲୋକଙ୍କ ଯୋଗଦାନ ସ୍ବାଗତଯୋଗ୍ୟ।କିନ୍ତୁ ସେମାନଙ୍କୁ ବିଧାୟକ ପ୍ରାଧାନ୍ୟ ଦେଇ ପୁରୁଖା ବିଜେଡି ନେତାଙ୍କୁ ଅନାଦର,ଅଣଦେଖା ଓ ଅସମ୍ମାନ କରୁଥିବା ଅଭିଯୋଗ ହୋଇଛି। 10 ବର୍ଷ ଶାସନରେ ରହି ବିଧାୟକ ଙ୍କ ଘମଣ୍ଡି ହୋଇ ଯାଇଛି, ସେ ଇନ୍ଦ୍ର ଚନ୍ଦ୍ର ମାନୁ ନାହାନ୍ତି, କାହାକୁ ଖାତିର କରୁ ନାହାନ୍ତି, ପୁରୁଖା ବିଜେଡି ନେତାଙ୍କ ବିରୁଦ୍ଧରେ ଅବାନ୍ତର , ଅସମ୍ମାନ ଜନକ ମନ୍ତବ୍ୟ ଦେଉଥିବା ସମିତି ସଭ୍ୟ କେଦାର ସାହୁ ଅଭିଯୋଗ କରିଛନ୍ତି।ବିଧାୟକ ବିଜେଡି ରେ ନ ଥାଇ ପ୍ରଥମ ବିଜେଡି ଟିକଟ ରେ ବିଧାୟକ ହୋଇଥିବାବେଳେ ମୂଳରୁ ବିଜେଡି ରେ ଥିବା ନେତା ଙ୍କୁ ଜାଣି ନ ଥିବା ଓ ସେମାନେ ଦଳ ରେ ନ ଥିବା ମନ୍ତବ୍ୟ ଦେଉଥିବା ହାସ୍ୟାସ୍ପଦ ବୋଲି କେଦାର ସାହୁ ମିଡ଼ିଆ କୁ କହିଛନ୍ତି।
ଏ ଅଭିଯାନ ଇଜ୍ୟତ ଓ ସମ୍ମାନ ର ଲଢେଇ, ଆମେ ବିଜେଡି ଓ ନବୀନ ଙ୍କୁ ଭଲ ପାଉଁ, ବିଜେଡି ରେ ଅଛୁ ଓ ରହିବୁ ବୋଲି ପ୍ରତ୍ୟୁଷ ରଥ , କେଦାର ସାହୁ ଓ ଅନ୍ୟ ନେତାମାନେ କହିଥିଲେ।କିନ୍ତୁ ଦୁର୍ବଳ ବିଧାୟକ ମହିଧର ରଣା ଙ୍କୁ ନ ହଟାଇଲେ କଣ୍ଟାମାଳ ର ବିକାଶ ଅସମ୍ଭବ। ଆପଣ ବିଜେଡି ଟିକେଟ ରୁ ବିଧାୟକ ପ୍ରାର୍ଥୀ ହେବେକି ର ମିଡ଼ିଆ ପ୍ରଶ୍ନ ରେ ନବୀନ ପଟ୍ଟନାୟକ ଙ୍କ ପାଖକୁ ସବୁ ଖବର ଯାଉଛି, ସେ ଉଚିତ୍ ସମୟ ରେ ଏହାର ଠିକ୍ ନିଷ୍ପତ୍ତି ନେବେ ବୋଲି ଶ୍ରୀ ରଥ କହିଥିଲେ।ଯଦି ବିଜେଡି ଟିକଟ ନ ମିଳିଲେ କଣ କରିବେ ବୋଲି ଶ୍ରୀ ରଥ ଙ୍କୁ ପଚାରିବାର ପ୍ରତ୍ୟେକ ପଞ୍ଚାୟତ ରେ ସଭା କରାଯାଇ ଜନମତ ନିଆ ଯାଉଛି ଓ ସମୟ ଏହା କହିବ ବୋଲି ଶ୍ରୀ ରଥ ପ୍ରକାଶ କରିଥିଲେ। ପ୍ରକାଶ ଥାଉକି, ସ୍ଥାନୀୟ ସମାଜସେବୀ ତଥା କଳାକାର କୋଶଳ ସୁନ୍ଦରୀ ଚୁମକି ମିଶ୍ର ସଭା ପରିଚାଳନା କରିଥିଲେ।ସଭା ପୂର୍ବରୁ ହାତୀପାଲି ଗ୍ରାମବାସୀ କଳସ ବସାଇ ସମସ୍ତ ବିଜେଡି ନେତାଙ୍କୁ ଉତ୍ତରୀୟ ଦେଇ ସ୍ଵାଗତ ସମ୍ବର୍ଦ୍ଧନା କରିଥିଲେ।ବାଦ୍ୟ ଓ କୀର୍ତ୍ତନ ସହ ଗାଁ ରେ ଏକ ଶୋଭାଯାତ୍ରା କରାଯାଇଥିଲା।
