ହରଭଙ୍ଗା :୦୬/୧୧ (ଚିତ୍ତରଞ୍ଜନ ସିଂହ) କଟକ ଜିଲ୍ଲା ନରସିଂହପୁର ମହୋତ୍ସବ ପଡ଼ିଆ ରେ ଅନୁଷ୍ଠିତ ହୋଇଥିବା “ସେବା ମହୋତ୍ସବ” କାର୍ଯ୍ୟକ୍ରମ ରେ ସେବଶ୍ରୀ ସମ୍ମାନ ରେ ସମ୍ମାନୀତ ହୋଇଛନ୍ତି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ର ବରିଷ୍ଟ ସାମ୍ବାଦିକ ବିଭୁଦତ୍ତ ବୋଷ। ଗତ କାଲି ଦିନ ୧୨  ଟା ସମୟରେ ନରସିଂହପୁର ମହୋତ୍ସବ ପଡ଼ିଆ ରେ ସେବ ମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ସାଂସଦ ପ୍ରସ୍ନପାଟସାଣି ଓ ବିଧାୟକ ଦେବିପ୍ରସାଦ ରଥ ଯୋଗଦେଇଥିବା ବେଳେ, ସମ୍ମାନୀତ ଅତିଥି ଭାବେ ଖଣ୍ଡପଡ଼ା ରାଜା ସିଦ୍ଧାର୍ଥ ଶେଖର ସିଂ ମର୍ଦରାଜ୍, ବଡ଼ମ୍ବା ରାଜା ତ୍ରିଭୁବନ ବିକ୍ରମ ଦେବ୍, ନରସିଂହପୁର ରାଜା ନାରାୟଣ ଭଞ୍ଜ ଦେଓ ଙ୍କ ସହିତ ବାଙ୍କୀ ବ୍ଲକ୍ ଚେୟାରମେନ୍ ଜିଲ୍ଲା ପରିଷଦ ଉପସ୍ଥିତ ହୋଇଥିଲେ।

ଉକ୍ତ କାର୍ଯ୍ୟକ୍ରମ ର ପ୍ରତିଷ୍ଠାତା ତଥାଗତ ବିଶ୍ଵାଳ(କଳିଙ୍ଗ ଟିଭି ସାମ୍ବାଦିକ) ପାଞ୍ଚ ବର୍ଷ ତଳେ ପ୍ରଥମ କରି ଅସହାୟ ବୁଦ୍ଧ ବୃଦ୍ଧା ଙ୍କୁ ନେଇ ଆରମ୍ଭ କରିଥିବା ବେଳେ ସ୍ମୃତି ରଞ୍ଜନ ସାହୁ ମଞ୍ଚ ପରିଚାଳନା କରିଥିଲେ।କାର୍ଯ୍ୟକ୍ରମ ର ମୁଖ୍ୟ ଆକର୍ଷଣ ମଣିଆବନ୍ଧ ର ମୃଦଙ୍ଗ ବାଜଣ ଓ ସ୍କୁଲ୍ ର କୁନି ପ୍ରତିଭା କୁ ନେଇ ଏକ ସୁନ୍ଦର ଭଜନ ବେଶ୍ ଚିତ୍ତାକର୍ଷକ ଥିଲା। ଆଖ ପାଖ ର ଅନେକ ଅସହାୟ ବୁଦ୍ଧ ବୃଦ୍ଧା ଯୋଗ ଦେଇଥିଲେ। ସମସ୍ତଙ୍କ ପାଇଁ ଆଇସକ୍ରିମ, ଜିଲାବି, ଜଳ ଓ ଭୋଜନ ବ୍ୟବସ୍ଥା କରଯାଇଥିଲା। ପରୋପକାର ହିଁ ଶ୍ରେଷ୍ଠ ଧର୍ମ ଥିଲା କାର୍ଯ୍ୟକ୍ରମ ର ମୂଖ୍ୟ ଉଦେଶ୍ୟ। ଏହା ଉପରେ ମୂଖ୍ୟ ଅତିଥି, ସମ୍ମାନୀତ ଅତିଥି ଓ ମୂଖ୍ୟ ବକ୍ତା ମାନେ ସୁନ୍ଦର ଭାଷଣ ଦେଇଥିଲେ। ଚଳିତ ବର୍ଷକୁ ଧରି ଦୀର୍ଘ ପାଞ୍ଚ ବର୍ଷ ଧରି ଉକ୍ତ ସେବା ମହୋତ୍ସବ ପାଳିତ ହୋଇ ଆସୁଅଛି। ଏହି ପରିପେଖି ରେ କୁନି କୁନି ପିଲାମାନଙ୍କୁ ବହି, ଖାତା, ପେନ୍ ପେନ୍ସିଲ, ରବର୍ ଇତ୍ୟାଦି ଅନୁଷ୍ଠାନ ତରଫରୁ ବଣ୍ଟନ କରାଯାଇଥିଲା।

ବୃଦ୍ଧ ବୃଦ୍ଧା ମାନଙ୍କୁ ଚପଲ କମ୍ବଳ ଇତ୍ୟାଦି ବଣ୍ଟନ କରାଯାଇ ଥିଲା। ସେବା କାର୍ଯ୍ୟ ରେ ଯେଉଁ ମାନେ ନିଷ୍ଠା ର ସହ କାର୍ଯ୍ୟ କରିଆସୁଛନ୍ତି ସେମାନଙ୍କୁ ମଧ୍ୟ ମାନପତ୍ର ଦେଇ ପୁରସ୍କୃତ କରଯାଇଥିଲା। ଉକ୍ତ କାର୍ଯ୍ୟକ୍ରମ ରେ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ର ଜଣେ ବରିଷ୍ଟ ସାମ୍ବାଦିକ ବିଭୁଦତ୍ତ ବୋଷ ଙ୍କୁ ମଧ୍ୟ ସେବଶ୍ରି ସମ୍ମାନ ରେ ସମ୍ମାନୀତ କରଯାଇଥିଲା। ତାଙ୍କର ପରୋପକର ତଥା ସେବାମନବୃତି ପାଇଁ ଏହି ସମ୍ମାନ ତାଙ୍କୁ ମିଳିଥିଲା। ତାଙ୍କର ଏହି ପ୍ରତିଭା ପାଇଁ ଆଜି ସାରା ଜିଲ୍ଲା ନୁହେଁ ପୁରା ହରଭଙ୍ଗା ବ୍ଲକ୍ ରେ ଖୁସି ର ଲହରୀ ଖେଳି ଯାଇଛି । ଆଗକୁ ଏହି ପରି ସେବା ମନଭାବ ରଖି କାମ କରିବା ପାଇଁ ପ୍ରଚେଷ୍ଟା ଜାରି ରହିବ ବୋଲି ଶ୍ରୀଯୁକ୍ତ ବୋଷ ଗଣ ମାଧ୍ୟମ କୁ ସୂଚନା ଦେଇଛନ୍ତି।