କାଶୀପୁର:୭ /୧୧(ଅଞ୍ଜନ କୁମାର ନାଏକ)ରାୟଗଡା ଜିଲ୍ଲା ଅନ୍ତର୍ଗତ କାଶୀପୁର ବ୍ଲକ ଟିକିରି ସ୍ଥିତ ହନୁମାନ ମନ୍ଦିର ପ୍ରାଙ୍ଗଣରେ ଗତ ରବିବାର ଦିନ ବହୁ ପ୍ରତୀକ୍ଷିତ ନୂତନ ବ୍ଳକ ମାନ୍ୟତା ଦାବି ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ ହେଇଯାଇଛି । ଟିକିରି ସରପଞ୍ଚ ଜଗବନ୍ଧୁ ମାଝି ଙ୍କ ନେତୃତ୍ୱରେ ଅନୁଷ୍ଠିତ ଏହି ବୈଠକରେ ବ୍ଲକ ଅନ୍ତର୍ଗତ ବାର ଗୋଟି ଗ୍ରାମପଞ୍ଚାୟତର ନିର୍ବାଚିତ ପ୍ରତିନିଧି ସହ ଶତାଧିକ ବୁଦ୍ଧିଜୀବୀ ଉପସ୍ଥିତ ରହି ଥିଲେ । ବର୍ତମାନ ସ୍ଥିତି ରେ ୨୪ଗୋଟି ଗ୍ରାମପଞ୍ଚାୟତ କୁ ନେଇ କାଶୀପୁର ବ୍ଲକ ପରିଚାଳନା ହେଉଥିବା ବେଳେ ମୁଖ୍ୟତଃ କାଶୀପୁର ସ୍ଥିତି ଭୌଗଳିକ କାରଣ ରୁ ଓ ବନ ଜଙ୍ଗଲ , ପାହାଡ଼ ପର୍ବତ ରେ ପରିପୂର୍ଣ୍ଣ । କହିବାକୁ ଗଲେ ବର୍ତ୍ତମାନ ସୁଦ୍ଧା ଏଠାରେ ଶିକ୍ଷା ଓ ଗମନା ଗମନ ଦିଗରେ ବିକାଶ ଏଠାରେ କଷ୍ଟକର ବ୍ୟାପାର ସାଜିଛି ।

ଫଳରେ ପ୍ରଶାସନିକ ତ୍ରୁଟି ଉପୁଜିଥିବା ଓ ବିକାଶ ପୁଣି ଅଞ୍ଚଳର ଉନ୍ନତି ତ୍ୱରିତ ଦିଗରେ ବାଧା ସୃଷ୍ଟି ହେଉଅଛି । ଜିଲ୍ଲା ଅନ୍ତର୍ଗତ ବିଭିନ୍ନ ବ୍ଲକ ରୁ କାଶୀପୁର ବ୍ଲକ ଆୟତନ ରେ ବଡ଼ ହେଇଥିବା ବେଳେ ପ୍ରାୟ ଏକ ଲକ୍ଷ୍ୟ ରୁ ଉର୍ଦ୍ଧ୍ଵ ବିଭିନ୍ନ ସମ୍ପ୍ରଦାୟ ର ଲୋକେ ବସବାସ କରନ୍ତି । ସେହିପରି କାଶୀପୁର ଏକ ଶିଳ୍ପ ସମୃଦ୍ଧି ରହିଥିବା ବେଳେ ଆର୍ଥିକ ସ୍ୱଛଳ ଥାଇ ମଧ୍ୟ ସମ ଦୃଷ୍ଟିରେ ବିକାଶ ର ଅଗ୍ରଗତି ହେଇପାରୁ ନାହିଁ ।

ଏସବୁ ପରିସ୍ଥିତି କୁ ଦୃଷ୍ଟିରେ ରଖି ଟିକିରି ଠାରେ ଅନେକ ଦିନରୁ ଏକ ସ୍ଵତନ୍ତ୍ର ଭାବେ ବ୍ଲକ କାର୍ଯ୍ୟାଳୟ ପ୍ରତିଷ୍ଠା ନିମନ୍ତେ ଦାବି ରହିଆସୁ ଥିବା ବେଳେ ଉପସ୍ଥିତ ଶତାଧିକ ବୁଦ୍ଧିଜୀବୀ ଆଜି ର ବୈଠକରେ ଏକତ୍ରିତ ଭାବେ ସହମତି ପ୍ରକାଶ କରିଛନ୍ତି । କାର୍ଯ୍ୟକ୍ରମ ରେ ଶତାଧିକ ବୁଦ୍ଧିଜୀବୀ ମଧ୍ୟରେ ସୀମାଞ୍ଚଳ ଷଡଙ୍ଗୀ, ଗୌରାଙ୍ଗ ସାହୁ, ବଗ ମାଝି , ଗୋବିନ୍ଦ ମାଝି , ତେଲି ନାଏକ, ଝିଜୁରୁ ମାଝି, ଟୁକୁରୁ ମହାନ୍ତି, ମୁକୁନ୍ଦ ବିଶାଇ , ଲିଙ୍ଗରାଜ ମାଝି , ସୁମାନ୍ତ ନାଏକ , ସାନ୍ଧୁ ଚରଣ ମାଝି ,ଶିବ ମାଝି ଓ ଅନ୍ୟ ପ୍ରମୁଖ ଉପସ୍ଥିତ ଥିଲେ ।