Aei Odisha
ବୌଦ୍ଧ:(କଚେରୀ ଖେଳପଡିଆ ପାଶ୍ୱର୍ରେ ଆଲୋକର ପର୍ବ ଦୀପାବଳି ପାଇଁ ଓରମାସ ଓ ମିଶନଶକ୍ତି ଆନୁକୂଲ୍ୟରେ ଖୋଲାଯାଇଥିବା ଆଜି ଏକ ଷ୍ଟଲ ଉଦଘାଟିତ ହୋଇଯାଇଛି । ମୁଖ୍ୟଅତିଥି ଭାବେ ଜିଲ୍ଲାପରିଷଦ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରବିନାରାୟଣ ତ୍ରିପାଠୀ ଫିତାକାଟି ଷ୍ଟଲକୁ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଦାରିଦ୍ର୍ୟଭଞ୍ଜନ ମଦନମୋହନ ପାତ୍ର ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ଓର୍ମାସ ନିର୍ବାହୀ ଅଧିକାରୀ ଶିବାଶିଷ ଦାସ, ସୂଚନା ଓ ଲୋକସଂପର୍କ ଅଧିକାରୀ ରିତାକାନ୍ତି ବଳିୟାରସିଂହ, ଡିପିସି ମିଶନ ଶକ୍ତି ରଶ୍ମି ରଞ୍ଜନ ସେଠୀ, କାର୍ଯ୍ୟନିର୍ବାହୀ ସହାୟକ ଦିଲ୍ଲୀପ କୁମାର ରଥ, ମାର୍କେଟିଂ ମ୍ୟାନେଜର ଆଶୁତୋଷ ଦାସ, ଜିଲ୍ଲା ସଂଯୋଜକ ଦକ୍ଷତା ବିକାଶ ଅଜୟ କୁମାର ମେହେର ଏବଂ ଓରମାସ କର୍ମଚାରୀମାନେ ଉପସ୍ଥିତ ଥିଲେ ।
ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ଖୋଲାଯାଇଥିବା ଏହି ଷ୍ଟଲରେ ଦୀପାବଳି ପାଇଁ ଟେରାକୋଟା, ମାଟି ଦୀପ, ପଞ୍ଚ ମୁରୁଜ, ବିଭିନ୍ନ ରଙ୍ଗବେରଙ୍ଗ ମହମବତୀ, ତୁଳାର ସଳିତା, ରାଶି ତେଲ, ଜଡା ତେଲ, ଧୂପକାଠି, ମହୁ ଆଦି ବିଭିନ୍ନ ସାମଗ୍ରୀ ବିକ୍ରି କରାଯାଉଛି । ଏହି ଷ୍ଟଲ ନଭେମ୍ବର ୭ ରୁ ୧୧ରିଖ ପର୍ଯ୍ୟନ୍ତ ଚାଲିବ। ଦୀପାବଳି ଆନୁକୁଲ୍ୟରେ ଷ୍ଟଲ ଖୋଲାଯାଇ (୧)ନାରୀ ସମୃଦ୍ଧି ଏବଂ (୨)ଆଦର୍ଶ ଉପାଦେୟ ଗୋଷ୍ଠୀ ମନମୁଣ୍ଡା ଗୋଟି ଗୋଷ୍ଠୀ ଯୋଗଦାନ କରିଛନ୍ତି। ଏହି ଷ୍ଟଲ ରୁ ଅଧିକାରୀମାନେ ବିଭିନ୍ନ ସାମଗ୍ରୀ କିଣିଛନ୍ତି। ଓରମାସ୍ ତରଫରୁ ଶିବାଶିଷ ଦାସ ଏହି ଷ୍ଟଲରୁ ସାମଗ୍ରୀ କିଣିବା ପାଇଁ ବୌଦ୍ଧବାସୀ ଙ୍କୁ ଅନୁରୋଧ କରିଛନ୍ତି ।
