ଯାଜପୁର :(ଆନନ୍ଦ ଚନ୍ଦ୍ର ସାହୁ )ବରିଷ୍ଠ କଂଗ୍ରେସ ନେତା ତଥା ପୂର୍ବତନ ପିସିସି କାର୍ଯ୍ୟକାରୀ ସଭାପତି ସ୍ୱର୍ଗତ ଲଲାଟେନ୍ଦୁ ବିଦ୍ୟାଧର ମହାପାତ୍ର(ଲୁଲୁ)ଙ୍କ ସପ୍ତମ ଶ୍ରାଦ୍ଧ ବାର୍ଷିକ ଦଶରଥପୁର କଂଗ୍ରେସ ପକ୍ଷରୁ ପାଳିତ ହୋଇଯାଇଛି । ଦଶରଥପୁର ବ୍ଲକ କଂଗ୍ରେସ ସଭାପତି ଶ୍ୟାସୁନ୍ଦର କର ଙ୍କ ନେତୃତ୍ବରେ ପକ୍ଷରୁ ମଙ୍ଗଳପୁର ବଜାରରେ ଲୁଲୁଙ୍କ ଫଟୋ ଚିତ୍ରକୁ ପୁଷ୍ପମାଲ୍ୟ ଅର୍ପଣ କରାଯାଇଥିଲା ।

ପରେ ମଂଗଳପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଥିବା ରୋଗୀମାନଙ୍କୁ ଶୁଖିଲା ଖାଦ୍ୟ ପ୍ରଦାନ କରାଯାଇଥିଲା । ସଂଧ୍ୟାରେ ଲୁଲୁ ମହାପାତ୍ରଙ୍କ ଉଦ୍ଦେଶ୍ୟରେ ନିରବ ପ୍ରାଥନା ଏବଂ କ୍ୟାଣ୍ଡେଲ ଜଳାଯାଇ ଆତ୍ମାର ଶାନ୍ତି ପାଇଁ କାମନା କରାଯାଇଥିଲା ।

ଏହି କାର୍ଯ୍ୟକ୍ରମରେ ମୁଖ୍ୟ ଉଦ୍ୟକ୍ତା ଜିଲ୍ଲା କଂଗ୍ରେସ ଉପସଭାପତି ଭରତ ଚନ୍ଦ୍ର ପରିଡା, ରାଜ୍ୟ କଂଗ୍ରେସ ସାଧାରଣ ସମ୍ପାଦକ ସନ୍ତୋଷ ନନ୍ଦ,ସ୍ମୁତି କମିଟି ମୁଖ୍ୟ ଉତ୍କଳ କେଶରି ମହାପାତ୍ର, ପିସିସି ସଭ୍ୟ ଦେବେନ୍ଦ୍ର ପଣ୍ଡା, ପୂର୍ବତନ ବିଂଝାରପୁର ପଂଚାୟତ ସମିତି ଅଧକ୍ଷା କନକଲତା ମଲିକ, ସରପଞ୍ଚ ଲିପିକା ମଲିକ,ଅନନ୍ତ କୁମାର ଦାସ, ଚନ୍ଦ୍ର ଶେଖର ସାହୁଙ୍କ ସମେତ ବହୁ କର୍ମୀ ଉପସ୍ଥିତ ରହି ଲୁଲୁ ଙ୍କ ଅମର ଆତ୍ମା ର ସଦଗତି କାମନା କରିଥିଲେ ।