କଳାହାଣ୍ଡି:(ନରେନ୍ଦ୍ର ନେଗୀ)ବିକାଶ ଗ୍ରୁପ ଅଫ ଇନଷ୍ଟିଚ୍ୟୁସନରଭବାନୀପାଟଣାର ବାର୍ଷିକ କ୍ରୀଡା ଉତ୍ସବ 2023 ବନ୍ଦୋପଲା ଉଇସଡ଼ମ ପାର୍କ ରେ ଅନୁଷ୍ଠିତ ହୋଇ ଯାଇଛି l ଏହି କ୍ରୀଡା ଉତ୍ସବରେ ବିକାଶ ଯୁକ୍ତ ଦୁଇ ଉଚ୍ଚ ମାଧ୍ୟମିକ ଓ ସିବିଏସଇ ଏକାଦଶ ଦ୍ୱାଦଶ ବିଭାଗର ଛାତ୍ର ଛାତ୍ରୀ ମାନେ ଅଂଶ ଗ୍ରହଣ କରିଥିଲେ l

ଉଦ୍ଘାଟନୀ ଉତ୍ସବରେ ଇନଷ୍ଟିଚ୍ୟୁସନର ନିର୍ଦେଶକ ଡି. ରାମ କୁମାର ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ l ଅଧ୍ୟକ୍ଷ ଯୁବରାଜ ନାୟକ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ l ଛାତ୍ରୀ ମାନେ ସ୍ୱାଗତ ସଂଗୀତ ଗାନ କରିଥିଲେ l ଏକାଡେ଼ମିକ ଇନଚାର୍ଜ ଡି. ବିଜୟା କ୍ରୀଡା ଶରୀର ପାଇଁ କେତେ ଉପକାରୀ ସେ ସମ୍ପର୍କରେ ଆଲୋକପାତ କରିଥିଲେ l

ଏହି ଅବସରରେ ଗୋଲା ଫିଙ୍ଗା, ଥାଳିଆ ଫିଙ୍ଗା, ଦୌଡ, ଉଚ୍ଚଡ଼ିଆଁ, ଲମ୍ବ ଡିଆଁ ଏବଂ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା l କୃତୀ ଛାତ୍ର ଛାତ୍ରୀ ମାନଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା l ଏହି ଅବସରରେ ଉଚ୍ଚ ମାଧ୍ୟମିକ ଵିଦ୍ୟାଳୟର ପୂର୍ବତନ ଛାତ୍ରୀ ଶୁଭଲକ୍ଷ୍ମୀ ପାଢ଼ୀ ଏବଂ ସହୀଦ ରେଣ୍ଡୋ ମାଝୀ ମେଡ଼ିକାଲରେ ଅଧ୍ୟୟନ ରତ ପୂର୍ବ ଛାତ୍ର ଛାତ୍ରୀ ମାନଙ୍କୁ ସମ୍ମାନିତ କରାଯାଇଥିଲା l ଆବାସିକ ବିଦ୍ୟାଳୟର ଅଧ୍ୟକ୍ଷା ଆରତୀ ମିଶ୍ର ଧନ୍ୟବାଦ ଅର୍ପଣ କରିଥିଲେ l ଵିଦ୍ୟାଳୟର କ୍ରୀଡା ଶିକ୍ଷକ ମାନେ କ୍ରୀଡା ପରିଚାଳନା କରିଥିଲେ l ଅଧ୍ୟାପକ ଅଧ୍ୟାପିକା ଓ କର୍ମଚାରୀ ମାନେ ସହଯୋଗ କରିଥିଲେ l