ମୁନିଗୁଡା :(ରମାକାନ୍ତ ପୋଡାଳ )ସୁସମାଜ ଗଠନରେ ଏହି ଶିଶୁ ର ଭୂମିକା ଅତ୍ୟନ୍ତ ଗୁରୁତ୍ବ ପୂର୍ଣ୍ଣ । ଆଜି ନଭେମ୍ବର ୧୪ ଶିଶୁ ଦିବସ ଉପଲକ୍ଷେ ଅଭ୍ୟାସ ଟେକ୍ନୋ ସ୍କୁଲ୍ , ପଦ୍ମପୁର ଠାରେ ଶିଶୁ ଦିବସ ପାଳିତ ହୋଇ ସାରିଛି ।

ଏଥିରେ ମୁଖ୍ୟ ଅତିଥି ଭାବେ ପଦ୍ମପୁର ତହସିଲଦାର ଶ୍ରୀମତି ଗୀତାଞ୍ଜଳି ବେହେରା ଏବଂ B.E.O ଶ୍ରୀ ସୁବାସ ଚନ୍ଦ୍ର ଶବର ପ୍ରଦୀପ ପ୍ରଜ୍ବଳନ କରି ଏହାର ଶୁଭାରମ୍ଭ କରି ଥିଲେ । ଏହି ଶିଶୁ ଦିବସ କାର୍ଯ୍ୟକ୍ରମ ବହୁ ଆଡମ୍ବର ସହକାରେ ପାଳିତ ହୋଇ ଥିଲା । ଏହି କାର୍ଯ୍ୟକ୍ରମ ରେ ଅନୁଷ୍ଠାନ ତରଫରୁ ଆଦର୍ଶ ,ନବଦୟ , ଓଲୋମ୍ପିୟାଡ ରେ କୃତକାର୍ଯ୍ୟ ହୋଇ ଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରାଯାଇ ଥିଲା ।

ପିଲାଙ୍କୁ ମିଠା,ଚକ୍ଲେଟ,ପେନ୍, ପେନ୍ସିଲ,ଭୋଜନ ର ବ୍ୟବସ୍ଥା ସହ ବିଦାୟ ଦିଆ ଯାଇ ଥିଲା । କୁନି କୁନି ଶିଶୁ ପ୍ରାଣେ ଆନନ୍ଦ ର ଲହରୀ ଖଖେଳାଇବା ପାଇଁ ନାଚ ଗୀତ ପରିବେଷଣ କରି ଏହାକୁ ପାଳନ କରାଯାଇଥିଲା। ପିଲାଙ୍କ ସହ ଅଭିଭାବକ ମାନେ ମଧ୍ୟ ଯୋଗ ଦେଇଥିଲେ । ଶିଶୁଙ୍କୁ ଶିକ୍ଷକ ଶିକ୍ଷୟତ୍ରୀ ଚନ୍ଦନ ଟୀକା ଲଗାଇ ପୂଜା ଅର୍ଚ୍ଚନା କରିଥିଲେ ।