ନବରଙ୍ଗପୁର:(ବେଣୁ ଗୋପାଳ ରାଓ)ନବରଙ୍ଗପୁର ମହାବିଦ୍ୟାଳୟର ଦର୍ଶନ ଶାସ୍ତ୍ର ବିଭାଗ ପକ୍ଷରୁ “ବସୁଧୈବ କୁଟୁମ୍ବକମ୍” ଏବଂ “ଶ୍ରୀମଦ୍ ଭଗବତ ଗୀତା ” ଉପରେ ଏକ ଦିବସୀୟ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। ଆଲୋଚନାଚକ୍ର କୁ ଉଦଘାଟନ କରି ଅଧ୍ୟକ୍ଷ ଡ଼ଃ ଭାସ୍କର ନାଥ ବିଶ୍ୱାଳ ଦର୍ଶନ ବିଭାଗ ର ସ୍ୱତନ୍ତ୍ରତା ତଥା ସମାଜକୁ ବଳିଷ୍ଠ କରିବାରେ ବିଭାଗୀୟ ଗୁରୁବୃନ୍ଦ ଓ ଛାତ୍ର ଛାତ୍ରୀ ଙ୍କର ସହଭାଗିତା ସର୍ବଦା ଅନ୍ୟକୁ ପଥ ଦେଖାଇବାରେ ସହାୟକ ହୋଇପାରିବ ବୋଲି କହିଥିଲେ। ଅନ୍ୟତମ ବକ୍ତା ଭାବେ ପ୍ରାଣୀ ବିଜ୍ଞାନ ମୁଖ୍ୟ ଶ୍ରୀମତୀ ଭାନୁମତୀ ସାହୁକାର ଯୋଗଦେଇ ” ବସୁଧୈଵ କୁଟୁମ୍ବକମ୍ ” ଉପରେ ପୂର୍ଣ୍ଣ ଆଲୋଚନା କରିଥିଲେ।

ମୁଖ୍ୟ ବକ୍ତା ଭାବରେ ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ଡ଼ଃ ପ୍ରଦୀପ କୁମାର ମିଶ୍ର ଯୋଗଦେଇ ” ଶ୍ରୀମଦ୍ ଭଗବତ ଗୀତା ଓ ସମାଜ” ବିଷୟରେ ବିସ୍ତୃତ ଆଲୋଚନା କରିଥିଲେ। ଆଲୋଚନା ଚକ୍ରରେ ଭାଗ ନେଇ ପ୍ରାଧ୍ୟାପକ ଡି.ଗୋବିନ୍ଦା ରାଓ, ଅଧ୍ୟାପକ ଦିଲ୍ଲୀପ ହୋତା, ଅଧ୍ୟାପିକା ସଂଯୁକ୍ତା ତ୍ରିପାଠୀ, ଅଧ୍ୟାପିକା ଡ଼ଃ ନନ୍ଦିତା ମିଶ୍ର, ଶ୍ରୀମତୀ ନିର୍ମଳା ହିକିକା, ଅଧ୍ୟାପକ ଶ୍ରୀ ଜିତେନ୍ଦ୍ର ରଥ, ମନୋରଞ୍ଜନ ଖୁରା, ମନୋଜ ପଟ୍ଟନାୟକ ଏବଂ ପ୍ରଦୀପ୍ତ ଦାସ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ । ଦର୍ଶନ ଶାସ୍ତ୍ର ଅଧ୍ୟୟନ ରେ “ବଡଲୋକ ହେଉ ବା ନ ହେଉ, କିନ୍ତୁ ଜଣେ ଭଲ ଲୋକ ନିଶ୍ଚିତ ଭାବେ ହୋଇ ପାରିବେ” ବୋଲି ସାର୍ବଜନୀନ ମତ ପ୍ରକାଶ ପାଇଥିଲା ।

ଦର୍ଶନ ଶାସ୍ତ୍ର ବିଭାଗ ର ଶେଷ ବର୍ଷ ଓ ଦ୍ବିତୀୟ ବର୍ଷ ର ଛାତ୍ର ଛାତ୍ରୀ ବିଭିନ୍ନ ପର୍ଯ୍ୟାୟ ର ପରିଚାଳନା କରି ପ୍ରଥମ ବର୍ଷ ଛାତ୍ର ଛାତ୍ରୀ ଙ୍କୁ ସ୍ଵାଗତ କରିଥିଲେ। ବିଭାଗୀୟ ମୁଖ୍ୟ ଅଧ୍ୟାପକ ଶ୍ରୀ ଶମ୍ଭୁ ପ୍ରସାଦ ହୋତ୍ତା ସମଗ୍ର କାର୍ଯ୍ୟକ୍ରମ ର ପ୍ରତ୍ୟକ୍ଷ ପରିଚାଳନା କରିବା ସହ ଆଗାମୀ ଦିନରେ ପ୍ରତି ମାସରେ ଗୋଟିଏ ଲେଖେ ଆଲୋଚନା ଚକ୍ର ଆୟୋଜନ କରିବାର ପ୍ରତିଶ୍ରୁତି ଦେଇଥିଲେ । ଶ୍ରୀ ଆଶୋକ ପାତ୍ର ସ୍ବାଗତ ସଙ୍ଗୀତ ପରିବେଷଣ କରିବା ସହ କୁମାରୀ ପ୍ରିୟଙ୍କା ବେହେରା କାର୍ଯ୍ୟକ୍ରମ ର ସଂଯୋଜନା କରିଥିଲେ। ଅଫିସ କର୍ମଚାରୀ ଶ୍ରୀ ପ୍ରଶାନ୍ତ ମିଶ୍ର, ରାଜନ୍ ତ୍ରିପାଠୀ, ଅଶୋକ ପାତ୍ର, ବନ ଭାଇ ପ୍ରମୁଖ ପରିଚାଳନା ରେ ସହଯୋଗ କରିଥିଲେ। ପରିଶେଷରେ ଉପସ୍ଥିତ ଥିବା ସମସ୍ତ ଅତିଥି ଓ ଛାତ୍ରଛାତ୍ରୀମାନଙ୍କୁ ଅଧ୍ୟାପକ ହୋତ୍ତା ଧନ୍ୟବାଦ ଅର୍ପଣ କରିଥିଲେ ।