Aei Odisha
ବେଲଗୁଣ୍ଠା:୧୫/୧୧ (ସୁଶାନ୍ତ କୁମାର ବେହେରା )ଆଜି ଗାଙ୍ଗପୁର ପୋଲିସ୍ ଏହି ଥାନା ଅନ୍ତର୍ଗତ ବିଞ୍ଚଣା ସ୍ଥିତ ଏକ ଢାବା ଉପରେ ଚଢ଼ାଉ କରି ସେଠାରୁ ବିଭିନ୍ନ ବିଦେଶୀ ବ୍ରାଣ୍ଡ୍ ର ମଦ ଜବତ କରିବା ସହ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି I ସୂଚନା ପ୍ରକାରେ ଆଜି ଗାଙ୍ଗପୁର ଥାନା ଏଏସ୍ଆଇ ଯୁଧିଷ୍ଠିର ମାଝୀଙ୍କ ନେତୃତ୍ୱରେ ଗାଙ୍ଗପୁର ପୋଲିସ୍ ବିଞ୍ଚଣା ସ୍ଥିତ ଏକ ଢାବା ଉପରେ ଚଢ଼ାଉ କରିଥିଲେ I
ସେଠାରୁ ବିଅର୍, ରମ୍, ହ୍ୱିସ୍କି ଭଳି ବିଭିନ୍ନ ବିଦେଶି ବ୍ରାଣ୍ଡ୍ ର ୫୪ ଲିଟର୍ ମଦ ଜବତ କରାଯାଇଥିଲା I ଏନେଇ ଗାଙ୍ଗପୁର ଥାନାରେ 856/23 ରେ ଏକ ମାମଲା ରୁଜୁ ହୋଇଥିଲା I ଏଏସ୍ଆଇ ଉମାଚରଣ ପ୍ରଧାନ ଘଟଣାର ତଦନ୍ତ କରୁ୍ଥିବା ବେଳେ ପ୍ରଭାକର ମଳିକ ନାମକ ଜଣେ ବ୍ୟକ୍ତିକୁ ଗିରଫ କରି କୋର୍ଟଚାଲାଣ କରାଯାଇଥିବା ଗାଙ୍ଗପୁର ଭାରପ୍ରାପ୍ତ ଥାନା ଅଧିକାରୀ ଶୁଭ୍ରଜିତ ସାମନ୍ତରାୟ ପ୍ରକାଶ କରିଛନ୍ତି I
