ଢେଙ୍କାନାଳ: ୧୯/୧୧ଜଗତ ଗୁରୁ ଠାକୁର ଶ୍ରୀ ଶ୍ରୀ ଅଭିରାମ ପରମହଂସ ଦେବ ଙ୍କ ଢେଙ୍କାନାଳ ଜିଲ୍ଲା ସ୍ତରୀୟ ଭକ୍ତ ଗୋଷ୍ଟି ତରଫରୁ ଊନବିଂଶ ତମ ବାର୍ଷିକ ଉତ୍ସବ ଓ ସନାତନ ଧର୍ମ ସମ୍ମିଳନୀ ଚଳିତ ବର୍ଷ ଡିସେମ୍ବର ମାସ ତା ୨୩,୨୪,୨୫ ରିଖ ୩ଦିନ ଧରି ସ୍ଥାନୀୟ ପୌରାଞ୍ଚଳ କଲ୍ୟାଣୀ ମଣ୍ଡପ ଠାରେ ଆୟୋଜିତ କରିବା ପାଇଁ ନିଷ୍ପତି ନେଇଥିଲେ ।

ଶ୍ରୀ ଶ୍ରୀ ଅଭିରାମ ପରମହଂସ ଦେବ ଙ୍କ ୩୧ ତମ ଅବତାର ରୂପ ପୁରୀ ଜିଲ୍ଲା ବ୍ରହ୍ମଗିରି ନିକଟସ୍ଥ କରମଳା ଗ୍ରାମରେ ଜନ୍ମ ଗ୍ରହଣ କରି ଓଡ଼ିଆ ଜାତିର ଅସ୍ମିତା କୁ ଶୀର୍ଷରେ ପହଞ୍ଚାଇ କଳିହତ ମାନବର ମୋହ ମାୟା ଛନ୍ଦ କପଟ କ୍ଷମା ଧର୍ଯ୍ୟ ଓ ଅହିଂସା ମାର୍ଗକୁ ପ୍ରତିପାଦନ କରି ଓଡ଼ିଶାର ପୂର ପଲିରେ ବ୍ରହ୍ମ ଲୀଳା ପ୍ରଦର୍ଶନ କରାଇଛନ୍ତି । ଶରୀର ତତ୍ତ୍ଵ ଓ ଭଗବତ ଉପରେ ଅନେକ ଗୀତ ରଚନା କରି ମାନବର ଜୀବନ ଦର୍ଶନ ଓ ଓଡ଼ିଆଙ୍କର ସନାତନ ଧର୍ମ ପ୍ରତିଭାକୁ ଉଚ୍ଚତମ ଆସନରେ ଅଧିଷ୍ଠ କରାଇଛନ୍ତି ।

ତାଙ୍କ ପ୍ରଦର୍ଶିତ ମାର୍ଗରେ ଅନୁପ୍ରାଣିତ ହୋଇ ଉକ୍ତ ଭକ୍ତ ଗଣ ବିଭିନ୍ନ ସ୍ଥାନରେ ବର୍ଷର ବିଭିନ୍ନ ସମୟରେ ସନାତନ ଧର୍ମ ସମ୍ମିଳନୀ ପାଳନ କରିଆସୁଛନ୍ତି। ସେହିପରି ଶାନ୍ତି ଆନନ୍ଦ ଆଶ୍ରମର ପୂଜ୍ୟ ଆଚାର୍ଯ୍ୟ ଦେବ ଶ୍ରୀ ବଳରାମ ଦାସ ମହାରାଜ ଓ ଭଗବତ ଗୋଷ୍ଠୀର ଅନୁମୋଦନ କ୍ରମେ ଢେଙ୍କାନାଳ ଜିଲ୍ଲା ଭକ୍ତ ଗୋଷ୍ଠୀ ଚଳିତ ବର୍ଷ ଡିସେମ୍ବର ମାସ ରେ ଏହା ପାଳନ କରିବା କୁ ଆଜି ପ୍ରସ୍ତୁତି ବୈଠକ ଜିଲ୍ଲା ସଭାପତି ଶ୍ରୀ ସୁଧାକର ଜେନା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି ।

ଏଥିରେ ଉପ ସଭାପତି ଶ୍ରୀ ରାଧା ବଲ୍ଭ ରାୟ ,ସମ୍ପାଦକ ହୃଦାନନ୍ଦ ପ୍ରଧାନ , ଯୁଗ୍ମ ସମ୍ପାଦକ ରତିକାନ୍ତ ବେହେରା ,କୋଷାଧ୍ୟକ୍ଷ ଅବନୀ କୁମାର ରାଉଳ , ସହ ଉପଦେଷ୍ଟା ରବୀନ୍ଦ୍ର ଗଣ୍ଠିଆ, ଦୟାନିଧି ସାହୁ ,ଦୁର୍ଯ୍ୟଧନ ବରାଳ , ନନ୍ଦ ଖିଲାର , ସୁଫଳା ନାୟକ ,ଅପର୍ଣ୍ଣା ପରିଡା , ବିଦୁଲତା ଗଣ୍ଠିଆ ,ନିର୍ଝରିନ ରାୟ ,ବିଜୟ ଲକ୍ଷ୍ମୀ ବିଶ୍ଵାଳ,ଶ୍ରୀମତୀ ସାହୁ , ବିଜୟ କୁମାର ସାହୁ ଙ୍କ ସମେତ ଜିଲ୍ଲାର ପ୍ରାୟ ୬୦ ଖଣ୍ଡ ଗ୍ରାମର ଭକ୍ତ ଭାଇ ଭଉଣୀ ମାନେ ଯୋଗଦେଇ ସଭାକୁ ସାଫଲ୍ୟ ମଣ୍ଡିତ କରିଥିଲେ ।