ସୁବର୍ଣ୍ଣପୁର :(ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ଜିଲ୍ଲା ସ୍ୱାସ୍ଥ୍ୟ ସମିତି ତରଫରୁ ଜିଲ୍ଲା ତାଲିମ କେନ୍ଦ୍ର ଠାରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼ା. ବିଶ୍ୱ ରଞ୍ଜନ ପତି ଙ୍କ ଅଧ୍ୟକ୍ଷତା ରେ ଜାତୀୟ ନବଜାତ ଶିଶୁ ସପ୍ତାହ ଦିବସ ପାଳିତ ହୋଇ ଯାଇଛି I ଉକ୍ତ କାର୍ଯ୍ୟକ୍ରମରେ ଅଧିକ୍ଷକ ଜିଲ୍ଲା ମୁଖ୍ୟ ଚିକିତ୍ସାଳୟ ଡ଼ା. ଦୁର୍ଗାଦତ୍ତ ଦାସ, ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ (ଡିସି ) ଡ଼ା. ରମେଶ ଚନ୍ଦ୍ର ସ୍ୱାଇଁ, ବରିଷ୍ଠ ଶିଶୁ ରୋଗ ବିଶେଷଜ୍ଞ ଡ଼ା. ଦିଲିପ କୁମାର ପୁରୋହିତ ପ୍ରମୁଖ ମଞ୍ଚାସିନ ଥିଲେ I

ଅତିଥି ମାନେ ଜାତୀୟ ନବଜାତ ଶିଶୁ ସପ୍ତାହ ଦିବସ ପାଳନ ର ତାତ୍ପର୍ଯ୍ୟ ଉପରେ ପୁଙ୍ଖାନୁପୁଙ୍ଖ ଭାବରେ ବୁଝାଇ ସଚେତନତା ମାଧ୍ୟମରେ ନବଜାତ ଶିଶୁଙ୍କର କିପରି ଯତ୍ନ ନେବା, ହାତ ସାବୁନ ରେ ସଫା ରଖିବା, କଙ୍ଗାରୁ ମା ଯତ୍ନ, ଜନ୍ମ ପରେ ପରେ ଯଥାଶୀଘ୍ର ସ୍ତନ୍ୟପାନ ଆରମ୍ଭ, କେବଳ ମା କ୍ଷୀର ୬ ମାସ ପର୍ଯ୍ୟନ୍ତ, ବିପଦ ଲକ୍ଷଣ ଥିବା ଶିଶୁଙ୍କୁ ଚିହ୍ନଟ କରି ତୁରନ୍ତ ଡାକ୍ତରଖାନା ନେବା ଓ ଜନ୍ମ ପରେ ଶିଶୁ ଙ୍କସମ୍ପୂର୍ଣ ଟୀକାକରଣ ସୁନିଶ୍ଚିତ କରାଇ ୭୫% ଶିଶୁ ମୃତ୍ୟୁ କୁ କମାଇ ପାରିବାରେ ସକ୍ଷମ ହୋଇ ସୁସ୍ଥ ସୁନ୍ଦର ସମାଜ ଗଠନ କରିବାରେ ସହାୟକ ହୋଇ ପାରିବ

ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଯୋଗାଯୋଗ ଅଧିକାରୀ ବୃନ୍ଦାବନ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଉକ୍ତ କାର୍ଯ୍ୟ ପରିଚାଳିତ ହୋଇଥିଲା I ଉକ୍ତ ସଭାରେ DMRCH ସୁଧାଂଶୁ ନାୟକ, ସହ ସଂଯୋଜକ ଅଣ ସଂକ୍ରାମକ ରୋଗ ଗୀତାଞ୍ଜଳି ମେହେର ଓ DMHS ଅନୁପ ରଞ୍ଜନ ଦାସ ସହଯୋଗ କରିଥିଲେ I ସଭାରେ ଏ ଏନ୍ ଏମ୍ ଛାତ୍ରୀ, ଆଶା, ଅଙ୍ଗନୱାଡି, ସ୍ୱାସ୍ଥ୍ୟ ଅଧିକାରୀ ଓ ସାମ୍ବାଦିକ ପ୍ରମୁଖ ଯୋଗ ଦେଇଥିଲେ I ଶେଷରେ ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ !