ହରଭଙ୍ଗା :୨୩/୧୧ (ଚିତ୍ତରଞ୍ଜନ ସିଂହ) ହିନ୍ଦୁ ଶାସ୍ତ୍ର ଅନୁଯାଇ କାର୍ତ୍ତିକ ମାସ ହେଉଛି ଏକ ଧାର୍ମିକ ମାସ!ଏହି ମାସରେ ସାଧାରଣ ତଃ ଲୋକେ ହବିଷ ପlଳନ୍ତି!ଏମିତିକି ବଗ ମଧ୍ୟ ହବିଶ ପlଳେ ବୋଲି ଲୋକମତ ରହିଛି!ଏହି ମାସର ପୂର୍ଣ୍ଣିମା କୁ ରାହାସ ପୂର୍ଣ୍ଣମା କୁହାଯାଉଥିବା ହେଲେ ପୁର ପଲ୍ଲୀ ରେ ରାଧା କୃଷ୍ଣ ଙ୍କ ପୂଜା କରାଯାଇଥାଏ!

ଏହି ରାହାସ ପୂର୍ଣ୍ଣିମା ଅବସରରେ ବୌଦ୍ଧ ଜିଲ୍ଲା ହରଭଙ୍ଗା ଗ୍ରାମର ଆଜି ଶତାଧିକ ପୁରୁଷ ମହିଳା ମହାନଦୀ କୂଳରେ ଗଙ୍ଗା ମାତାଙ୍କୁ ପୂଜାର୍ଚନା କରି ୧୦୮ ପୂର୍ଣ୍ଣ କଳସି ରେ ଜଳ ଧରି ନାମ, ସଂକୀର୍ତନ କରି ଏକ ବିରାଟ ଶୋଭାଯାତ୍ରାରେ ପୂଜା ମଣ୍ଡପରେ ସ୍ଥାପନ କରିଥିଲେ!ଆଜି ଠାରୁ ପୂର୍ଣ୍ଣମା ପର୍ଯ୍ୟନ୍ତ ପlଞ୍ଚଦିନ ପଞ୍ଚୁକ ବୁଡ଼ ସହିତ, ନାମ ସଂକୀର୍ତନ, ପରାୟଣ, ଦାସକାଠିଆ ଆଦି କାର୍ଯ୍ୟକ୍ରମ କରାଯିବାର ଜଣା ପଡିଛି!

କଳସ ଅବସ୍ଥାପିତ ପରେ ପୂଜା ମଣ୍ଡପ ରେ ରାଧାକୃଷ୍ଣ ଙ୍କୁ ପୂଜା କରାଯାଇଥିଲା!ଉକ୍ତ ପୂଜା କାର୍ଯ୍ୟ ରେ କର୍ତ୍ତlଭାବେ ନାରାୟଣ ଦନାୟକ ଓ ତାଙ୍କ ଧର୍ମ ପତ୍ନୀ ସୁଷମା ଦାନାୟକ କାର୍ଯ୍ୟଭlର ତୁଲାଇ ଥିବା ବେଳେ ହରିହର ପୁରୋହିତ ପୂଜାକାର୍ଯ୍ୟ ତୁଳାଇଥିଲେ!ଏହି କାର୍ଯ୍ୟକ୍ରମ ରେ ଶ୍ରୀକାନ୍ତ ଦେହୁରୀ, ମୁନୁ ସାହୁ, ନିଶା ଦନାୟକ,ବିଶି ସାହୁ,କାର୍ତ୍ତିକ ସାହୁ ପ୍ରମୁଖ ସହଯୋଗ କରିଥିଲେ!ଏହି ରାହାସ ପୂର୍ଣ୍ଣମା ହରଭଙ୍ଗା ବ୍ଲକ ର ହରଭଙ୍ଗା, ସଂକୁଲୋଇ, ତାକୁଡ଼, ସରସରା ଆଦି ଗ୍ରାମ ଗୁଡିକରେ ହେଉଥିବା ନେଇ ସୂଚନା ମିଳିଛି!