ବୌଦ୍ଧ:( ଚିତ୍ତରଞ୍ଜନ ସିଂହ ) ବୌଦ୍ଧରୁ ବାହାରିଥିବା ବିକଶିତ ଭାରତ ସଂକଳ୍ପ ଯାତ୍ରାକୁ ସଦର ବ୍ଲକର ଅଁଳାପାଲି ଓ ବହିରା ପଞ୍ଚାୟତରେ ଶୁକ୍ରବାର ଭବ୍ୟ ସ୍ୱାଗତ କରାଯାଇଛି। ଅଁଳାପାଲି ପଞ୍ଚାୟତ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ଅଜିତ ମେହେର, ବିଶିଷ୍ଟ ସମାଜସେବୀ କହ୍ନେଇ ଚରଣ ଡାଙ୍ଗ, ପିଇଓ ଦିବ୍ୟଲୋଚନ ବେହେରା, ଜିଆରଏସ ଅମିତ କର୍ଣ୍ଣ ଓ ଅନ୍ୟ କର୍ମଚାରୀ ମାନେ ଉପସ୍ଥିତ ରହି ସ୍ୱାଗତ କରିଥିଲେ।

ବହିରାରେ ଜିଆରଏସ ରଙ୍କନିଧି ଗାଈଗୌରୀଆ ସମାଜସେବୀ କହ୍ନେଇ ଚରଣ ଡାଙ୍ଗଙ୍କ ସହ ସମସ୍ତ ୱାର୍ଡ ସଭ୍ୟ/ସଭ୍ୟା ଅଙ୍ଗୱାଡ଼ି କର୍ମୀ. ଆଶା କର୍ମୀ, ସ୍ୱୟଂ ସହାୟକ ଗୋଷ୍ଠୀର ମହିଳା ଓ ସ୍ଥାନୀୟ ଜନସାଧାରଣ ଉପସ୍ଥିତ ଥିଲେ। ପ୍ରଧାନମନ୍ତ୍ରୀଙ୍କ ବାର୍ତ୍ତା ପ୍ରସାରଣ ପରେ ବିକଶିତ ଭାରତ ସଙ୍କଳ୍ପ ନେଇ ସମସ୍ତେ ଶପଥ ପାଠ କରିଥିଲେ।ଏଅବସରରେ ଉପସ୍ଥିତ ସମସ୍ତ ଜନସାଧାରଣଙ୍କୁ ବିଭିନ୍ନ କେନ୍ଦ୍ରୀୟ ଯୋଜନା ବିଷୟରେ ସଚେତନ କରାଯାଇଥିଲା।