ଟିଟିଲାଗଡ: (ସଞ୍ଜୟ କୁମାର ନାୟକ)ରାଜ୍ୟରେ ହଟ ଚମଟ ସୃଷ୍ଟି କରିଥିବା ମଦ ବ୍ୟବସାୟୀଙ୍କ ଘରେ ଆୟକର ବିଭାଗର ଚଢଉ ଏବେ ଚର୍ଚ୍ଚାର ବିଷୟ ପାଲଟି ଥିବା ବେଳେ ଦିନକୁ ଦିନ ଚଢ଼ାଉ ଟଙ୍କାର ମୂଲ୍ୟ ଜାଣି ଲୋକେ ହତବାକ ହୋଇଗଲେଣି। ରାଜ୍ୟର ୮୪ ଟି ସ୍ଥାନରେ କିଛି ଦିନ ତଳେ ଆୟକର ବିଭାଗର ଚଢଉ କରାଯାଇଥିଲା।

ସେ ଭିତରେ ଟିଟିଲାଗଡ ମଦଭାଟି ମାଲିକଙ୍କ ଘରେ ମଧ୍ୟ ଚଢ଼ାଉ କରଯାଇଥିଲା। ତେବେ ଆଜି ବଲାଙ୍ଗିରକୁ ଏସବିଆଇର ଉପମହାପ୍ରବନ୍ଧକ ମନ୍ ମୋହନ ସ୍ୱାଇଁ ପହଞ୍ଚି ଆୟକର ବିଭାଗର ଚଢଉରେ ଜବତ ହୋଇଥିବା ଟଙ୍କା ଟିଟିଲାଗଡ ଷ୍ଟେଟ ବ୍ୟାଙ୍କରେ ଗଣତି ସରିଥିବା ବେଳେ ଜବତ ଟଙ୍କାର ମୂଲ୍ୟ ଏଗାର କୋଟି ଟଙ୍କା ବୋଲି ପ୍ରକାଶ କରିଛନ୍ତି। ଟିଟିଲାଗଡରେ ଟଙ୍କା ଗଣତି ସରିବା ପରେ ଟଙ୍କା ଗଣା ମେସିନ ଓ ବଣ୍ଡଲ ବନ୍ଧା ମେସିନକୁ ବଲାଙ୍ଗିର ପଠା ଯାଇଛି।

ତେବେ ଜବତ ଟଙ୍କା ଟିଟିଲାଗଡ଼ରେ ରିତେଶ ସାହୁଙ୍କ ଥିବା ମଦଭାଟିରୁ ଜବତ ହୋଇଥିବା ଟଙ୍କା ବୋଲି ଜଣାପଡ଼ିଥିବା ବେଳେ ଅନ୍ୟ ଦୁଇ ମଦ ବ୍ୟବସାୟୀ ଶ୍ରୀ ଦୀପକ ସାହୁ ଓ ସଞ୍ଜୟ ସାହୁଙ୍କ ଘରେ ମଧ୍ଯ ଚଢ଼ାଉ ହୋଇଥିଲା , ତାଙ୍କ ଘରୁ କାହାଠାରୁ କେତେ ଟଙ୍କା ମିଳିଛି ଆୟକର ବିଭାଗ ପକ୍ଷରୁ କିଛି ସୁଚନା ମିଳିପାରିନାହିଁ। ଆଗକୁ ଆଉ କେତେ କାହାଠୁ ଟଙ୍କା ଜବତ ହେବ ଦେଖିବାକୁ ରହିଲା।