ହରଭଙ୍ଗା :୯/୧୨ (ଚିତ୍ତରଞ୍ଜନ ସିଂହ)  ହରଭଙ୍ଗା ଥାନା ସଙ୍କୁଲେଇ ଗ୍ରାମର ବିକ୍ରମ ନାଏକ ଓ ସୂର୍ଯ୍ୟ ପ୍ରଧାନ ଏକ ବାଇକ ଯୋଗେ କାମ ସାରି ଚାରିଛକ ରୁ ସଙ୍କୁଲେଇ ନିଜ ଘରକୁ ଆଜି ସନ୍ଧ୍ୟା ରେ ଫେରୁଥିଲେ । ତେବେ ଅନ୍ୟପଟେ ବିପରୀତ ଦିଗରୁ ଓଁକାର ନାମକ ଏକ ଘରୋଇ ବସ ଛତ୍ରରଙ୍ଗ ରୁ ଚାରିଛକ ଅଭିମୁଖେ ଯାଉଥିବା ବେଳେ କଙ୍କଡ଼ାପଥର ଛକରେ ଧକ୍କା ହୋଇଥିଲା ।

ଫଳରେ ବିକ୍ରମ ନାଏକଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିବା ବେଳେ ପଛରେ ବସିଥିବା ସୂର୍ଯ୍ୟ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ଗୁରୁତର ଅବସ୍ଥାରେ ସୂର୍ଯ୍ୟଙ୍କୁ ଉଦ୍ଧାର କରି ପୁରୁଣାକଟକ ଡାକ୍ତରଖାନାରେ ଭର୍ତି କରିଥିଲେ । ଅନ୍ୟପଟେ ବସଟି ପୁରୁଣାକଟକ ଥାନାରେ ଆତ୍ମସମର୍ପଣ କରିଛି । ଏନେଇ ହରଭଙ୍ଗା ପୋଲିସର ଘଟଣା ତଦନ୍ତ ଜାରି ରଖିଛି ।