Aei Odisha
ସୁବର୍ଣ୍ଣପୁର: (ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଧର୍ମଶାଳା ଯୁକ୍ତ ଦୁଇ ମହାବିଦ୍ୟାଳୟ ରେ ରାଜ୍ୟ ସରକାରଙ୍କ କ୍ରୀଡ଼ା ଓ ଯୁବ ବ୍ୟାପାର ଓ ବିଦ୍ୟାଳୟ ଏବଂ ଗଣଶିକ୍ଷା ବିଭାଗର ପ୍ରଯୋଜନାରେ ଅନୁଷ୍ଠାନର ସମନ୍ବିତ ଯୁବ ବିକାଶ କାର୍ଯ୍ୟକ୍ରମଅନୁଷ୍ଠିତ ହୋଇ ଯାଇଛି l ଉତ୍ସାହ ଓ ଉଦ୍ଦୀପନାର ସହିତ ଚାଲିଛି “କ୍ରୀଡ଼ା ,ସାମାଜିକ କାର୍ଯ୍ୟକଳାପ ଓ ସଂସ୍କୃତିର ମହାପର୍ବ -୨୦୨୩ “ନାମରେ ନାମିତ କରା ଯାଇଥିବା ଏହି ଉତ୍ସବର ସାମାଜିକ କାର୍ଯ୍ୟ ଓ କାର୍ଯ୍ୟକଳାପର ଶତାଧିକ ଛାତ୍ରଛାତ୍ରୀଙ୍କର ମିଳିତ “ରକ୍ତ ସମୂହ ପରୀକ୍ଷଣ” କରିବା ସହିତ କେମ୍ପସ୍ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି ।
ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ଗୋପାଳ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ସ୍ଥାନୀୟ ଚିକିତ୍ସକ ଡାକ୍ତର ଗୌରୀଶଙ୍କର ମହାପାତ୍ର ମୁଖ୍ୟ ଅତିଥି ଭାବରେ ଯୋଗଦାନ କରି ନିଜ ରକ୍ତର ଗୃପ୍ ଜାଣିଲେ କଣ ସବୁ ଲାଭ ହୁଏ ସେ ବିଷୟରେ ଛାତ୍ରଛାତ୍ରୀମାନଙ୍କୁ ବୁଝାଇ ଥିଲେ ।ଏହା ପରେ ଶ୍ରୀମୟୀ ପାଥୋ କ୍ଲିନିକ୍ ,ସୁବର୍ଣ୍ଣପୁର ଦ୍ବାରା ରକ୍ତର ଗୃପ୍ ପରୀକ୍ଷଣ କରାଯାଇଥିଲା ।
ସାମାଜିକ କାର୍ଯ୍ୟକଳାପର ତତ୍ତ୍ବାବଧାରକ ପ୍ରାଧ୍ୟାପକ ଶ୍ରୀ ସୌମିତ୍ରି ପଧାନ ଓ ନୋଡ଼ାଲ୍ ଅଫିସର ପ୍ରାଧ୍ୟାପକ ଡକ୍ଟର ପୁରୁଷୋତ୍ତମ ମିଶ୍ରଙ୍କ ତତ୍ତ୍ବାବଧାନରେ କେମ୍ପସ୍ ସଫେଇ କାର୍ଯ୍ୟ ଅନୁଷ୍ଠିତ ହୋଇଥିଲା ।ଅନୁଷ୍ଠାନର କ୍ରୀଡ଼ା ଶିକ୍ଷକ ଶ୍ରୀ ଗୋବିନ୍ଦ ପଧାନ, ପ୍ରାଧ୍ୟାପିକା ନମିତା ରଥ ,ଅଧ୍ୟାପକ ସତ୍ୟନାରାୟଣ ମହାକୁଡ଼ ,ଶ୍ରୀ କାଶୀନାଥ ମିଶ୍ର ,ଶ୍ରୀ ଗଦାଧର ପଧାନ ଓ ଶ୍ରୀ ନୀଳାମ୍ବର ପଧାନ ପ୍ରମୁଖଙ୍କର ସହଯୋଗରେ ସମସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l
